ITALI – Përmbytje të mëdha janë regjistruar në Itali. Mësohet se moti i keq ka shkaktuar 5 viktima.
Mediat italiane shkruajnë se një person është zhdukur në Veneto.
Pjesa më e madhe e Italisë është përfshirë nga moti i keq.
Politikanët italianë bënë thirrje ndaj njerëzve që të kenë kujdes dhe të përpiqen të rrinë në katet e sipërme të banesave.
Një prej punëtorëve të ndihmës së shpejtë u zhduk, pasi po ndihmonte një person që ishte në vështirësi.
Kryeministrja italiane Meloni shpreh ngushëllime për viktimat në Toskana
Kryeministria italiane ka reaguar, për motin e keq që ka përfshirë Italinë.
Në deklaratën e Kryeministrisë, thuhet se Georgia Meloni po ndjek nga afër zhvillimet dhe se po koordinohet me ministrin Nello Musumeci, kreun e Mbrojtjes Civile Fabrizio Curcio, me presidentin e rajonit të Toskanës, Eugenio Giani dhe me autoritetet kompetente.
“Kryeministrja Giorgia Meloni ndjek me shqetësim përmbytjet katastrofike, që kanë goditur veçanërisht Toskanën dhe shpreh ngushëllimet e saj të thella për viktimat.
Meloni mban kontakte të vazhdueshme me ministrin Nello Musumeci, me kreun e Mbrojtjes Civile Fabrizio Curcio, me presidentin e rajonit të Toskanës, Eugenio Giani dhe me autoritetet kompetente”, thuhet në reagimin e Kryeministrisë së Italisë.
Italia dhe disa shtete në Europë janë goditur stuhia Ciaran në ditët e fundit./Zëri.ai/
