SHBA- Boksierja algjeriane, Imane Khelif, e cila është kthyer në një nga personazhet më të përfolur të Lojrave Olimpike është komentuar edhe nga ish-presidenti amerikan Donald Trump. Khelif mundi Yang Liu të Kinës në finalen e kategorisë së peshës së lehtë për femra, duke përfunduar serinë më të mirë të ndeshjeve të karrierës së saj në boks.
“Kush dëshiron që burrat të marrin pjesë në sportet e grave? Do të doja të përgëzoja gruan e re që ka evoluar nga një burrë në një grua. ‘Ai’… Ajo fitoi medaljen e artë. Po gruaja, gruaja e bukur, nga Italia? Ajo hyri atje dhe nuk e dinte se çfarë po ndodhte. Ajo është një boksiere shumë e mirë – por vetëm kundër femrave të tjera.’”, tha Trump.
Kjo nuk është hera e parë që Trump flet për boksieren algjeriane. Khelif ka lindur femër, por është pohuar se ajo ka kromozome XY mashkullore pasi bëri një test vitin e kaluar nën IBA, të cilët që atëherë kanë refuzuar në masë të madhe t’ju përgjigjen pyetjeve se si funksionon procesi./ZËRI
