BANGLADESH- Kryeministrja e Bangladeshit Sheikh Hasina dha dorëheqjen. Pas largimit të saj nga detyra, Muhamed Yunus pranoi të merrte detyrën si kreu i qeverisë së përkohshme të Bangladeshit. Por kush është nobelisti Muhammed Yunus?
Yunus ishte profesor i ekonomisë në Universitetin Chittagong kur uria goditi Bangladeshin në vitin 1974, duke vrarë qindra mijëra njerëz dhe duke e shtyrë atë të kërkonte mënyra për të ndihmuar popullsinë e varfër rurale të vendit. Kjo mundësi lindi kur Junus takoi një grua në një fshat afër universitetit, e cila kishte marrë hua para. Shuma ishte më pak se një dollar dhe në këmbim huadhënësi kishte fituar të drejtën ekskluzive për të blerë të gjithë prodhimin e saj me një çmim që ai do të përcaktonte.
Një armik politik i Sheikh Hasinës, i njohur si "bankieri i të varfërve", Muhamed Yunus iu dha Çmimi Nobel për Paqe në vitin 2006 për ndihmën e miliona njerëzve të dilnin nga varfëria, duke dhënë hua të vogla prej më pak se 100 dollarë për fermerët e varfër që nuk kishin akses në bankat sistematike. Që prej asakohe, modeli i tij është bërë burim frymëzimi për programe të ngjashme në mbarë botën, madje edhe në vendet e zhvilluara si Shtetet e Bashkuara, ku Yunus ka themeluar fondacionin jofitimprurës Grameen America, shkruan CNN.gr.
Yunus themeloi një parti në vitin 2007, por ambiciet e tij tërhoqën zemërimin e Hasinës, e cila e akuzoi atë se "thith gjakun e të varfërve". Në atë kohë, kritikët e tij në Bangladesh argumentuan se huadhëniet ngarkonin norma të larta interesi dhe fitonin para nga të varfërit. Por Yunus u përgjigj se normat e interesit shumë më të ulëta se normat e interesit të bankave në vendet në zhvillim. Në vitin 2011, qeveria e Sheikh Hasinës e largoi atë nga posti i drejtorit të Grameen Bank me arsyetimin se, në moshën 73-vjeçare, ai kishte qëndruar në këtë post për shumë vite pas moshës 60-vjeçare të daljes në pension.
Në janar, Yunus u dënua me gjashtë muaj burg për shkelje të ligjit të punës. Ai dhe 13 të tjerë u dënuan nga një gjykatë e Bangladeshit për përvetësim të 252.2 milion taka (2 milion dollarë) nga fondi i sigurimit të një kompanie telekomunikacioni që ai kishte themeluar.
Vizita në Shqipëri
Yunus është i njohur edhe në Shqipëri, pasi erdhi këtu me ftesën e Sali Berishës kur ai ishte kryeministër.
“Me profesor Muhammad Yunus, babai i mikrokredisë, nobelisti që beson dhe po provon se varfëria mund të zhduket me politika të përshtatshme të provuara në dhjetëra vende në të katër anët planetit. Ne nisem sot së bashku me të betejën tonë vendimtare në ç'rrënjosjen e varfërisë bazuar në një sistem mikrokredie, biznesi social, trajnimi profesional që do të punësojë dhe mëkëmbë dhjetëra mijëra të varfër,” shprehej Berisha pas takimit me Yunus në janar të vitit 2013.
Në korrik kulmoi vala e protestave që Sheikh Hasina nuk mund t'i ndalte më. Demonstruesit fillimisht kërkonin heqjen e një sistemi kuotash që ekzistonte prej kohësh, në bazë të të cilit 30 përqind e posteve të preferuara në administratën publike u jepeshin luftëtarëve të pavarësisë nga 1971 ose pasardhësve të tyre. Pasi Gjykata Supreme e mbrojti këtë kuotë, protestat u acaruan deri në konfrontime të përgjakshme me mbi 300 të vrarë gjatë trazirave. Në Dhaka u shtua prania ushtarake, kur demonstruesit tentuan të mësyjnë në pallatin qeveritar. Në kushte të tilla Sheikh Hasina u largua drejt Indisë. Kreu i ushtrisë premtoi në televizionin shtetëror krijimin e një qeverie tranzicioni. Se çfarë drejtimi do të marrë Bangladeshi pas epokës së gjatë nën Sheikh Hasina-n mbetet ende e paqartë./ZËRI
