EUROPË-Vala e të nxehtit ka prekur Europën, ndërsa agjencia shtetërore meteorologjike parashikojnë për rekord temperaturash.
Temperaturat në Spanjë mund të arrijnë në 47 gradë Celsius këtë fundjavë, ndërsa zjarret përvëluese në Itali kanë çuar në shkrirjen e rrugëve. Ministria e shëndetësisë e Italisë paralajmëroi banorët dhe turistët të premten për temperaturat e larta në të gjithë vendin dhe lëshoi një alarm të kuq për 21 qytete këtë fundjavë - duke përfshirë Romën, Milanon dhe Venecian. Një turist vdiq nga nxehtësia në ishullin spanjoll të Majorkës të enjten, ndërsa një valë e nxehtë nga Afrika iu afrua Gadishullit Iberik.
Nga ana tjetër zjarret e egra vazhdojnë të shkatërrojnë Greqinë, me dhjetra shtëpi të shkrumbuara nga flakët. Greqia ka shpenzuar qindra miliona euro për të kompensuar familjet dhe fermerët për dëmet që lidhen me motin ekstrem dhe për të blerë pajisje të reja dhe moderne zjarrfikëse për t'u përballur me zjarret, të cilat janë bërë më të vështira për t'u kontrolluar nga rritja e temperaturave të verës.
Vala e të nxehtit pritet të ndikojë gjithashtu në Britaninë e Madhe, e cila po përballet me temperatura maksimale prej 36 gradë Celsius dhe një “rritje të vdekjeve” përpara asaj që mund të jetë dita më e nxehtë e qershorit e regjistruar ndonjëherë.
Ndërkohë, Franca dhe Gjermania janë goditur nga shira të egër, breshër dhe përmbytje, duke lënë tre persona të vdekur, përfshirë një fëmijë, të cilin e zuri poshtë një pemë./ZËRI
