GAZA- Pas një jave armëpushim midis Izraelit dhe Hamasit, Forcat e Mbrojtjes së Izraelit (IDF) kanë nisur sërish sulmet ndaj Hamasit.
Zëdhënësi i IDF, Major Doron Spielman ka deklaruar se qëllimi i ushtrisë izraelite është të shkatërrojë grupin militant “në mënyrë që ata të mos mund ta kryejnë më këtë krim në Izrael”.
Sirenat u ndezën në Izrael një orë përpara se armëpushimi të përfundonte të premten në mëngjes, duke paralajmëruar për një raketë që po vinte. Që atëherë, sirenat kanë vazhduar në komunitetet izraelite rreth Gazës.
“Izraelitët u zgjuan edhe një herë nga zhurma e sirenës së kuqe të raketave të Hamasit që binin mbi ne përsëri nga Gaza”, tha Spielman për CNN, duke shtuar se “ka pasur raketa të shumta”.
Një rifillim i mundshëm i armëpushimit varet nga politikanët, jo nga ushtria, tha Spielman.
“Nëse nuk bëjmë asgjë, nëse i dorëzojmë armët, thjesht do të lejojmë Hamasin të kryejë një masakër tjetër si 7 tetori. Unë mendoj se moralisht kjo është krejtësisht e pandërgjegjshme,” tha ai.
Ushtria izraelite rifilloi luftën kundër Hamasit në Gaza pasi grupi militant theu skicën e armëpushimit, tha
Kryeministri izraelit Benjamin Netanyahu në një deklaratë të lëshuar nga zyra e tij deklaroi se sipas tij Hamasi “nuk e respektoi detyrimin e tij për të liruar të gjitha gratë e rrëmbyera dhe lëshoi raketa drejt qytetarëve të Izraelit”.
Ai tha se këto objektiva janë “për të liruar pengjet, për të likuiduar Hamasin” dhe për të siguruar që qytetarët e Izraelit të mos kërcënohen më kurrë nga një sulm nga Gaza.
/ZËRI
