UASHINGTON- Plagosja e Donald Trump gjatë një tubim politik në Pensilvani ka ngritur pikëpyetje të shumta. Këtë e ka pranuar edhe drejtori i FBI-së, Christopher Wray. Në një konferencë të Kongresit, Christopher Wray u pyet nëse Donald Trump u godit nga një plumb ose cifla në vesh.
“Me gjithë respektin e duhur për ish-presidentin Trump, nuk e di,”- tha ai.
Sipas drejtorit të FBI-së, njeriu që tentoi të vriste Donald Trump bëri kërkime në internet se si Lee Harvey Oswald vrau presidentin amerikan John F. Kennedy. Megjithatë, atentati dhe tragjeditë që ndodhen në tubim, bën të mundur të ngrihen shumë teori konspirative.
1. Aspektet psikologjike të Crooks, hyrja në histori dhe vrasja e Kenedit
Enigma më e madhe e gjithë rastit konsiston në mungesën e ndonjë motivi të dukshëm, madje edhe paranojak, që mundi të armatoste dorën e Crooks. Hetimet nuk kanë çuar askund, të paktën deri më tani, veçanërisht në lidhje me gjendjen mendore dhe ideologjinë që zotëronte 20-vjeçarin Thomas Matthew Crooks.
Një hipotezë e besueshme është se Crooks, për një arsye të panjohur, synonte të vriste presidentin e Shteteve të Bashkuara. Ky supozim bazohet në faktin se Crooks nuk ishte një fans i madh i asnjërit, dhe historia e tij e fundit e kërkimit në internet nuk tregon ndonjë lloj obsesioni në mënyrë specifike me Donald Trump. Ndoshta Trump ishte objektivi më i përshtatshëm dhe ndoshta në vend të tij mund të ishte edhe presidenti i SHBA-së, Joe Biden. Sigurisht, ky është vetëm një supozim, një interpretim krejtësisht hipotetik i të dhënave të disponueshme, pafundësisht të vogla që rrethojnë Crooks.
Megjithatë, atentati i tij u bë pjesë e historisë. Sapo u publikua emri Thomas Matthew Crooks, i identifikuar më parë nga agjencitë e sigurisë të qeverisë amerikane, imazhet dhe videot e autorit të dyshuar u qarkulluan menjëherë në mediat sociale. Nëse Thomas Matthew Crooks do të kishte arritur të kryente misionin e tij vrasës, ai do të kishte fituar një vend në historinë e atyre që herë pas here kanë ekzekutuar presidentë, kryetarë shtetesh dhe organizatash, personazhe të famshëm, si vrasës pa motiv.
2. Është i gjithë faji i Ukrainës
Një deklaratë mjaft arbitrare për motivet e agresorit të Trump u propozua nga Kryeministri i Hungarisë dhe një admirues i njohur i ish-presidentit amerikan, Viktor Orbán. Sipas mendimit të tij, Trump, ashtu si jo shumë kohë më parë kryeministri i Sllovakisë, Robert Fico, u bë shënjestër e sulmeve vdekjeprurëse "sepse ata janë kundër luftës dhe mbështesin paqen në Ukrainë".
3. Atentati nuk ndodhi, Trump luajti golf të nesërmen
Reagimi i turmës ndaj të shtënave dhe njerëzve në tribuna që u plagosën dhe u vranë në mënyrë të dyshimtë u zbut. Sikur ata prisnin të ndodhte diçka e tillë. Dhe agjentët sekretë të gardës personale të Trump, menjëherë pas sulmit, e lanë të ngrihet në këmbë, me gjoksin e ekspozuar ndaj një goditjeje të re të mundshme.
"Për më tepër, vetë Trump u pa të nesërmen duke luajtur golf, pa asnjë shenjë lëndimi në veshin e tij të djathtë ose në ndonjë vend tjetër në trupin e tij. Prandaj, gjithçka tregon se atentati i tij ishte një iluzion optik,"-kjo ishte një tjetër teori që qarkullon në rrjet.
4. Urdhër nga Biden dhe 'deepstate'
Një deklaratë e Biden-it për kundërshtarin e tij se "duhet ta vëmë Trumpin në pikëpyetje”, u mor nga disa si provë e pakundërshtueshme se pas atentatit ishte vetë presidenti aktual i SHBA. Biden kërkoi falje për frazën në fjalë dhe dënoi sulmin ndaj kundërshtarit të tij, por megjithatë kjo nuk i bindi teoricienët e konspiracionit.
5. Vrima në xhaketë ishte një plumb në gjoks
Disa përdorues të rrjeteve sociale, dyshohet se ishin shumë më të vëmendshëm se të gjithë të tjerët, vunë re një pikë të zezë të rrumbullakët në xhaketën e Trump, në lartësinë e gjoksit dhe në anën e djathtë. Menjëherë u krijua versioni se në fakt Trump u qëllua në gjoks në vend të veshit, por lëndimi i tij vdekjeprurës u shmang falë jelekut antiplumb.
+1 “Nuk më lejuan të vrisja gjuajtësin”
“Unë quhem Jonathan Willis dhe unë jam këtu për të bërë me dije publikun se kam pasur kontakt me sy me vrasësin për 3 minuta, por shefi i Shërbimit Sekret nuk më dha urdhër për ta vrarë. Është 100% e vërtetë që më penguan nga lart të vrisja atentatorin përpara se të qëllonte Presidentin Trump”, ka shkruar dikush në platformën e komunikimit 4chan.
Megjithatë, nuk ka asnjë oficer të Shërbimit Sekret ose të Policisë lokale në Butler, Pensilvani me emrin Jonathan Willis. Një zëdhënës i Shërbimit Sekret vuri në dukje se snajperët trajnohen dhe urdhërohen të veprojnë sa herë që vërejnë një kërcënim, pa pritur udhëzime ose urdhra./ZËRI
