KAZAKISTAN- Ish-kryetari i Komitetit të Sigurisë Kombëtare të Kazakistanit (KNB), Alnur Mussayev, ka bërë një deklaratë shokuese në lidhje me presidentin amerikan Donald Trump. Sipas tij, Trump është rekrutuar nga Komiteti për Sigurimin e Shtetit Sovjetike (KGB) para se të binte Bashkimi Sovjetik dhe atij iu caktua pseudonimi Krasnov. Mussayev e ka publikuar këtë deklaratë në rrjetet sociale.
“Në vitin 1987, shërbeva në Drejtorinë e Gjashtë të KGB-së në Moskë. Misioni ynë kryesor ishte rekrutimi i biznesmenëve nga vendet kapitaliste. Atë vit, drejtoria jonë rekrutoi Donald Trump, një biznesmen amerikan 40-vjeçar, me pseudonimin Krasnov”, ka shkruar Mussayev.
Ish-zyrtari i lartë u shpreh se është i vetëdijshëm se ideja që presidenti amerikan të jetë spiun ose agjent duket një çmenduri dhe i tejkalon të gjitha skenaret e Hollyëood, por sipas tij asgjë nuk është e pamundur në botën e inteligjencës dhe spiunazhit.
“Gjithçka është e mundur, madje edhe gjërat më të çmendura dhe më të pabesueshme. Për shembull, rekrutimi i krerëve të ardhshëm të shteteve, madje edhe i presidentit të SHBA-ve”, tha Mussayev.
Në vitin 2018, Mussayev tha se Kazakistani nuk i kishte monitoruar apo vlerësuar në mënyrë të duhur veprimet e Trump në skenën ndërkombëtare, ose në politikën e brendshme të SHBA-ve. Ai sugjeroi se politikat e Trump po kontribuonin në një ndryshim në standardet dhe vlerat globale.
“Donald Trump është i lidhur me FSB-në (agjencia kryesore e sigurisë e Rusisë dhe pasardhësi i KGB-së). Fakte të shumta rrethanore të publikuara në media e mbështesin këtë. Ekziston një koncept i njohur si rekrutueshmëria e një objektivi. Bazuar në përvojën time në punën operative me KGB-KNB, mund të them me siguri se Trump bën pjesë në kategorinë e individëve rekrutuar. Nuk kam asnjë dyshim se Rusia posedon kompromat (informacione të dëmshme) për presidentin e SHBA-ve dhe se Kremlini e ka përgatitur për vite me radhë për t’u ngjitur në presidencën e fuqisë kryesore botërore”, tha Mussayev.
Ai pohoi se elita politike e SHBA-ve e di mirë varësinë e Trump nga Kremlini, por nuk mund ta pranojë hapur atë për shkak të pozitës globale të vendit.
“Sigurisht, ata kryejnë hetime, ndjekin penalisht anëtarët e rrethit të brendshëm të presidentit dhe publikojnë raporte kritike. Figura të njohura, duke përfshirë anëtarë të Kongresit, e kanë quajtur Trump tradhtar. E gjithë kjo bëhet me shpresën se Trump do të tërhiqet vetë ose se situata do të çojë në një ‘shkarkim’, duke e hequr atë nga detyra pa e njohur zyrtarisht si agjent rus”, vuri në dukje Mussayev.
Media të ndryshme kanë pretenduar më parë se Trump ishte rekrutuar gati 40 vjet më parë dhe se Kremlini ka materiale komprometuese për të nga vizitat e tij në Moskë në 1987 dhe 2013. Për më tepër, Neë York Magazine ka sugjeruar se ngurrimi i Trump për të nxjerrë deklaratat e tij tatimore mund të rrjedhë nga mundësia që ai të ketë marrë mbështetje financiare nga Rusia gjatë shumë viteve përmes kanaleve të ndryshme./ZËRI
