EGJIPT- Fëmijët mbledhin përbërësit e përdorur nga furnitorët e dy kompanive të mëdha, Lancôme dhe Aerin Beauty. Edhe pse në fakt të dyja këto marka parfumesh luksoze pretendojnë se kanë zero tolerancë ndaj "child labor", fëmijët që punësohen. Pas investigimit të bërë nga BBC, L'Oréal, pronari i Lancôme, tha se ishte i përkushtuar për të respektuar të drejtat e njeriut; ndërsa Estée Lauder, u shpreh se do të kontaktonte me furnitorët e saj.
Jasemini i përdorur në parfumët Lancôme Idôle L'Intense, Ikat Jasmine dhe Limone Di Sicilia për Aerin Beauty - vjen nga Egjipti, i cili prodhon rreth gjysmën e furnizimit botëror të luleve të jaseminit - një përbërës kyç i parfumit. Duke qenë se kompanitë e mëdha po shtrëngojnë buxhetet e tyre, kjo sjell paga shumë të ulëta për mbledhësit, ndaj shumë prej tyre përfshijnë edhe fëmijët në punët e përditshme.
Raportuesi Special i OKB-së për format bashkëkohore të skllavërisë, Tomoya Obokata, tha se ai ishte i shqetësuar nga filmimet e kapura në fushat egjiptiane të jaseminit.
Heba - e cila jeton në një fshat në rrethin e Gharbia, zemra e rajonit të jaseminit të Egjiptit - zgjon familjen e saj në orën 03:00 për të filluar mbledhjen e luleve përpara se nxehtësia e diellit t'i dëmtojë. Heba thotë se ka nevojë për katër fëmijët e saj - të moshës 5 deri në 15 vjeç - për ta ndihmuar. Ashtu si shumica e mbledhësve të jaseminit në Egjipt, ajo punon në një fermë të vogël; kështu që sa më shumë lule të mbledhë, aq më shumë para fitojnë.
"Natën që e filmuam, ajo dhe fëmijët e saj arritën të zgjidhnin 1.5 kg lule jasemini. Pasi i pagoi një të tretën e të ardhurave të saj pronarit të tokës, asaj i mbetën afërsisht 1,5 dollarë amerikanë [1,18 £] për punën e asaj nate. Kjo vlen më pak se kurrë më parë, duke pasur parasysh se inflacioni në Egjipt është në nivelin më të lartë të të gjitha kohërave dhe mbledhësit e luleve shpesh jetojnë nën kufirin e varfërisë,"-shkruhet në artikullin e BBC.
Edhe vajza 10-vjeçare e Hebës, Basmalla, është diagnostikuar me një alergji të rëndë në sy. Në një konsultë mjekësore që morëm pjesë me të, doktori i tha se shikimi i saj do të përkeqësohet nëse vazhdon të mbledhë jasemin pa trajtuar inflamacionin.
Por çfarë ndodh më pas me lulen e mbledhur?
Pasi jasemini është zgjedhur dhe peshuar, transferohet nëpërmjet pikave të grumbullimit në një nga disa fabrika lokale që nxjerrin vaj nga lulet - tre kryesoret janë A Fakhry and Co, Hashem Brothers dhe Machalico. Çdo vit, janë fabrikat që vendosin çmimin për jaseminin e zgjedhur nga njerëz si Heba. Është e vështirë të thuhet saktësisht se sa nga 30,000 njerëzit e përfshirë në industrinë e jaseminit në Egjipt janë fëmijë, por gjatë verës së vitit 2023, BBC filmoi në të gjithë këtë rajon dhe foli me shumë banorë pohuan se në punë merrnin edher fëmijët e tyre.
Po ashtu, kishte shumë fëmijë që punonin në ferma në pronësi të drejtpërdrejtë të "Machalico", edhe pse është e paligjshme për këdo nën moshën 15 vjeç të punojë në Egjipt nga ora 19:00 deri në 07:00 të mëngjesit.
Fabrikat e eksportojnë vajin e jaseminit në shtëpitë ndërkombëtare të aromave ku krijohen parfumet. Givaudan, me qendër në Zvicër, është një nga më të mëdhenjtë dhe ka një marrëdhënie të gjatë me A Fakhry and Co. Por janë kompanitë e parfumeve mbi to - psh. L'Oréal dhe Estée Lauder - ato që kanë fuqinë dhe caktojnë çmimet.
"Interesi i mjeshtrave është që të kenë vajin më të lirë të mundshëm për ta vendosur në shishe dhe më pas ta shesin atë me çmimin më të lartë të mundshëm. Ata në fakt nuk ndajnë rrogën apo pagat e korrësve, as çmimin aktual të jaseminit, por për shkak të buxhetit që vendosin, paga ulet,"- tha Christophe Laudamiel, i cili ka punuar në një nga këto kompani.
Por ndryshe nga sa është realiteti, këto kompani pretendojnë se janë etike. Çdo punëdhënës në zinxhirin e furnizimit ka nënshkruar një letër angazhimi për OKB-në, duke u zotuar të respektojë udhëzimet e saj në lidhje me praktikat e sigurta të punës dhe zhdukjen e fenomenit të punësimit të fëmijëve.
REAGIMET
Givaudan, shtëpia e aromave që prodhon "Lancôme Idôle L'Intense", e përshkroi hetimin e BBC si "thellësisht alarmues", duke shtuar se: Është detyrë e të gjithëve që të vazhdojmë të ndërmarrim veprime për të hequr plotësisht rrezikun e punës së fëmijëve.
Firmenich, shtëpia e aromave që prodhon Ikat Jasmine dhe Limone Di Sicilia për Aerin Beauty, dhe në verën e vitit 2023 mori jasemin nga kompania vendase "Machalico" tha se tani po përdorte një furnizues të ri në Egjipt. Edhe L'Oréal nga ana tjetër tha se ishte "e angazhuar në mënyrë aktive për të respektuar standardet e të drejtave të njeriut"/
"Asnjëherë nuk kërkojmë që Shtëpitë e Aromave të shkojnë më poshtë se çmimi i tregut për përbërësit në kurriz të fermerëve. Pavarësisht nga fuqia jonë … ne e dimë se në pjesë të caktuara të botës ku operojnë furnizuesit e L'Oréal, angazhimet tona mund edhe të mos respektohen. Sa herë që lind një problem, L'Oréal punon në mënyrë proaktive për të identifikuar shkaqet themelore dhe mënyrën për të zgjidhur çështjen."
Një koment për gjetjet u dha edhe nga Estée Lauder.
"Ne besojmë se të drejtat e të gjithë fëmijëve duhet të mbrohen. Dhe ne kemi kontaktuar furnitorët tanë për të hetuar këtë çështje shumë serioze. Ne e njohim mjedisin kompleks socio-ekonomik që rrethon zinxhirin lokal të furnizimit të jaseminit dhe po ndërmarrim veprime drejt përmirësimit të jetesës së komuniteteve burimore."
Marrë nga BBC
