SHBA- Kompania "H&M" do të përdorë Inteligjencën Artificiale (AI) për të krijuar "binjakët" dixhitalë të 30 modeleve. Sipas njoftimit raportohet se do të përdoren kopjet e disa modeleve për të krijuar postime në mediat sociale. Por gjithmonë me lejen e modeleve që do të kontraktohen për fushatat e shtëpisë së modës.
"Ne jemi kuriozë të eksplorojmë se si të shfaqim modën tonë në mënyra të reja krijuese - dhe të përqafojmë përfitimet e teknologjisë së re - duke i qëndruar besnikë angazhimit tonë ndaj stilit personal,"- tha në një deklaratë shefi i saj krijues i kompanisë, Jörgen Andersson për mediat e huaja.
Pavarësisht pretendimit të H&M se nuk do të ndryshonte "qasjen e saj me në qendër njeriun", disa kanë frikë se lëvizja mund të ndikojë tek modelet, fotografët dhe artistët e grimit. Nisma u raportua fillimisht nga botimi i industrisë "Business of Fashion".
H&M i tha medias se modelet do të ruanin të drejtat mbi kopjet e tyre dixhitale dhe përdorimin e tyre nga kompania dhe markat e tjera për qëllime të tilla si marketingu. Imazhet ka të ngjarë të përdoren fillimisht në postimet e mediave sociale, me një tregues që do t'i lërë shikuesit të kuptojë se imazhet janë krijuar nga Inteligjenca Artificiale. Po ashtu, edhe firma të tjera të modës, përfshirë Hugo Boss dhe Levi Strauss & Co, janë angazhuar gjithashtu në përdorimin e AI për imazhet e produkteve. Por ende nuk kanë kaluar tek modelet./ZËRI
