HAGË- Ish-deputeti dhe ish-eprori i Ushtrisë Çlirimtare të Kosovës (UÇK), Haxhi Shala është dërguar në Gjykatën Speciale në Hagë. Komandanti "Topi" u arrestua nga Dhomat e Specializuara të Kosovës një ditë më parë.
Avokati i tij Xhevdet Smakiçi ka konfirmuar për KlanKosova.tv se ish-deputeti i Kuvendit të Kosovës ka fluturuar drejt Holandës mëngjesin e kësaj së marte. Shala dyshohet për pengim në drejtësi dhe ndikim te dëshmitarët.
-
Gjykata Speciale arreston komandant 'Topin'
11 Dhjetor, 10:19
Ndërkohë Specialja ka kryer bastisje në Kosovë, disa prej tyre në pronat e ish-këshilltarëve të Thaçit. Vetëm disa javë më parë u arrestua Isni Kilaj për pengim të drejtësisë, ndërsa edhe vetë Shala ishte marrë njëherë në pyetje nga Prokuroria e Hagës në gusht të vitit 2020. Aktualisht në Gjykatën Speciale janë në pritje të gjykimit ish-krerët e Ushtrisë Çlirimtare të Kosovës. Mes tyre përmendim ish-presidentin Hashim Thaçi; ish-kryeparlamentarin Kadri Veselin, Jakup Krasniqi dhe Rexhep Selimi, ndodhen në paraburgim në Hagë që nga muaji nëntor i vitit 2020./ZËRI
