EL SALVADOR – El Salvadori zgjodhi presidentin e ri të vendit dhe ai është Nayib Bukele, që konfirmohet në këtë post. Duke qëndruar në ballkonin e Pallatit Kombëtar në kryeqytet, presidenti salvadorian Nayib Bukele ishte ngazëllyer.
"Kjo është fitorja me diferencën më të madhe midis vendit të parë dhe të dytë në histori", pohoi ai, për zgjedhjet presidenciale të së dielës, të cilat e kanë parë atë të rizgjedhur për një mandat të dytë në detyrë, me një avantazh dërrmues ndaj rivalëve.
"Opozita është pluhurosur", i tha 42-vjeçari turmës së mbledhur mes zhurmës shurdhuese të brohoritjeve. Ndërsa rezultati përfundimtar është ende për të konfirmuar nëse ai ka marrë vërtet kontrollin pothuajse total të asamblesë legjislative. Ai tha se ka marrë kaq shumë vota, sepse njerëzit kanë vlerësuar punën që ka bërë, duke qenë kryetar i shtetit.
Ai vendosi masa emergjente në mars 2022, duke i dhënë pushtete drakoniane policisë dhe ushtrisë, për të luftuar bandat e El Salvadorit. Elektorati votoi në mënyrë masive për një vazhdim të planit të sigurisë, që ka sjellë një ndryshim kaq rrënjësor në kombin e Amerikës Qendrore.
Më shumë se 75,000 njerëz janë arrestuar sipas politikës së tij në më pak se dy vjet, por komunitete të tëra janë çliruar nga një shkallë asfiksuese e kontrollit të bandave. "Më parë nuk mund të lëviznim lehtë, nga frika se mos lëndoheshim fizikisht," tha votuesja Vilma Abrego në një qendër votimi në Quetzaltepeque, jashtë San Salvadorit, pasi hodhi votën e saj. "Nëse do të shkoje diku, nuk do ta dije nëse do të dilje i gjallë. Por tani ne kemi këtë president që po qeveris në mënyrën që synon Zoti", shtoi ajo.
Pasi hodhi votën e tij, Presidenti Bukele mbajti një konferencë shtypi në kryeqytet. E pyesim nëse, tani që e kishte kthyer situatën e sigurisë, ai do të përqendrohej në fazën tjetër të politikës së sigurisë - veçanërisht në procesin ligjor të mijëra njerëzve pa lidhje bandash, të cilët, sipas organizatave të të drejtave të njeriut, kanë qenë burgosur në mënyrë të paligjshme. "Më duket disi zbavitëse kur njerëzit thonë "Oh, në El Salvador, ata arrestojnë njerëz dhe disa nga të arrestuarit janë të pafajshëm," tha Presidenti Bukele. "Jam pak i hutuar sepse pyes veten nëse në MB të gjitha arrestimet janë të njerëzve fajtorë apo nëse ndonjëherë policia juaj arreston të pafajshëm?", vazhdoi ai.
Ai pranoi se policia në El Salvador kishte bërë "disa gabime", por tha se rreth 7,000 nga të arrestuarit ishin liruar tashmë. Bukele argumentoi se ai po aplikonte një zgjidhje për problemin unik të El Salvadorit, që ka qenë prej kohësh kryeqyteti i vrasjeve në botë. Për më tepër, shtoi ai, El Salvadori kishte provuar zgjidhje të panumërta të paraqitura nga Uashingtoni, Bashkimi Evropian dhe Organizata e Shteteve Amerikane, por asnjëra prej tyre nuk kishte funksionuar. Ai tha se zgjidhjen e dha politika e tij.
"El Salvadori u kthye nga vendi më i rrezikshëm në botë në më të sigurtin në hemisferën perëndimore. Kjo nuk është një arritje e vogël. Kjo nuk bëhet lehtë. Askush në botë nuk e ka bërë më parë kaq shpejt dhe kaq pastër sa ne. E kemi bërë këtë pa viktima civile”, shtoi ai.
Presidenti i El Salvadorit ka të ngjarë të mbetet në një humor të shkëlqyeshëm për disa kohë. Nëse parashikimet e partisë së tij vërtetohen nga shifrat zyrtare, ato do të kenë të gjitha, përveç dy vendeve në Asamblenë Kombëtare. Megjithatë, pavarësisht diferencës së tij të madhe të fitores, kishte ende disa zëra kundërshtues në terren. Problemi shqetësues është se ka edhe arrestime, që janë të padrejta në këtë vend./ZËRI/
