ANGLI - Mbreti Charles është diagnostikuar me një formë kanceri. Kështu thotë Buckingham Palace. Nuk është kancer i prostatës, teksa lloji i ri i kancerit u zbulua gjatë trajtimit të tij të fundit për një prostatë të zmadhuar.
Lloji i kancerit nuk është zbuluar, por sipas një deklarate të pallatit mbretëror, Mbreti filloi trajtimet e rregullta të hënën. Pallati Buckingham thotë se Mbreti mbetet plotësisht pozitiv në lidhje me trajtimin e tij dhe pret që të kthehet në detyrën e plotë publike, sa më shpejt të jetë e mundur.
Ai do t'i shtyjë angazhimet e tij publike dhe pritet që anëtarët e tjerë të familjes mbretërore të ndihmojnë për ta përkrahur gjatë trajtimit të tij. Nuk jepen detaje të mëtejshme për fazën e kancerit apo një prognozë.
Mbreti, 75 vjeç, u kthye në Londër nga Sandringham në Norfolk të hënën në mëngjes dhe Pallati thotë se ai ka filluar trajtimin si pacient i jashtëm. Edhe pse ai do të ndalojë ngjarjet e tij publike, Mbreti do të vazhdojë me rolin e tij kushtetues si kreu i shtetit, duke përfshirë dokumentet dhe takimet private.
Ai u pa në një shërbim të kishës në Sandringham të dielën, ku u prit nga turmat. Ai bëri një procedurë të prostatës në një spital privat në Londër më shumë se një javë më parë. Mbreti kishte zgjedhur të bënte publikisht trajtimin e tij të prostatës, me qëllimin për të inkurajuar më shumë burra, që të bënin kontrolle të prostatës.
Mbreti Charles III ishte i kënaqur që kishte rritur ndërgjegjësimin për këtë çështje, me faqen e internetit NHS që raportoi një rritje të çështjeve në lidhje me kushtet e prostatës. Për shumë lloje të kancerit, mundësia për t'u prekur rritet me moshën. Shifrat në Mbretërinë e Bashkuar sugjerojnë se mesatarisht çdo vit, më shumë se një e treta (36%) e rasteve të reja të kancerit ishin te njerëzit e moshës 75 vjeç e lart.
Harry po udhëton në Mbretërinë e Bashkuar
Princi Harry ka udhëtuar nga Kalifornia në drejtim të Mbretërisë së Bashkuar, pasi mori vesh që babai i tij ishte sëmurë me kancer. Mësohet se princi Herry ka diskutuar me babanë, në lidhje me kancerin e tij. Edhe kryeministri britanik Rishi Sunak shprehu solidaritet me Mbretin, duke u shprehur se gjithë vendi uron shërbim të tij të shpejtë./ZËRI/
