GREQI - Janë rrëqethëse fjalët e burrit që tentoi të shpëtonte foshnjën në Veri nga duart e nënës së vogëlushit. Dëshmitari ka thënë se nëna e godiste foshnjën me inat. “Ia mora me forcë foshnjën nga duart”, shprehet dëshmitari. Fqinji përshkruan për mediat greke atë që ndodhi në shtëpinë ku jetonte nëna me fëmijët e saj në Makrohori Veria. “Dëgjova fëmijët duke bërtitur për ndihmë. Menjëherë shkova në shtëpinë ku dëgjoheshin të qarat. Pashë nënën duke e rrahur fëmijën e saj. Ngriva. Më pas u përpoqa ta shpëtoja, por ishte vonë”, tha fqinji për thesstoday.gr. Mediat helene kanë publikuar edhe pamje nga shtëpia, ku ka ndodhur ngjarja e rëndë.
-
Tmerr në Greqi/ Nëna vret foshnjën 6 muajshe
9 Janar, 15:59
Si ndodhi tragjedia në Veri
Tragjedia e familjes ndodhi para syve të dy vajzave të saj të vogla, të moshës 6 dhe 7 vjeçe, të cilët informuan gjyshërit për incidentin tragjik. E ëma po mbahet në Komisariatin e Verisë në gjendje shoku dhe duket se as nuk e kupton se çfarë ka bërë. Sipas informacioneve, 37-vjeçarja dyshohet se u tha prindërve të saj, të cilët hapën derën dhe panë foshnjën e plagosur rëndë dhe mbesat e tyre duke bërtitur, se nuk ishte ajo që e vrau foshnjën, por një forcë e padukshme.
Kur gjyshërit mbërritën në shtëpi, e gjetën fëmijën me plagë të rënda dhe e transportuan pa ndjenja në Spitalin e Verisë.
Foshnja u plagos rëndë dhe nuk kishte puls. Me gjithë përpjekjet e mjekëve, foshnja nuk ia doli të jetojë. Në vendngjarje ka shkuar një grup efektivësh të Sigurisë së Verias, të cilët kanë arrestuar nënën për vrasje. ELAS (Policia greke) po kryen hetimet për rrethanat e vdekjes së foshnjës. Rezultatet e autopsisë pritet të hedhin dritë mbi rastin./ZËRI/
