KALAMATA- Një grua 36-vjeçare nga Kalamata në Greqi ka denoncuar vëllain e saj 35-vjeçar në polici, me akuzën për përdhunim.
Vëllai i saj dyshohet se e ka përdhunuar për të paktën 20 ditët e fundit, duke e kërcënuar se do ta dëbonte nga shtëpia ku jetonin nëse do të bënte një denoncim. Të martën e kaluar, më 30 korrik, 35-vjeçari ka detyruar motrën e tij të largohet nga shtëpia dhe ajo ka jetuar përkohësisht në një park.
36-vjeçarja ka kontaktuar në linjën e urgjencës 112 dhe ka denoncuar jo vetëm dëbimin nga shtëpia, por edhe përdhunimin e vazhdueshëm nga i vëllai.
Rreth dy orë pas denoncimit, 35-vjeçari u arrestua në kuadër të hetimeve për dhunën në familje, ndërsa ndaj tij është ngritur një tjetër rast për përdhunim, i cili do t’i kalojë Prokurorisë.
36-vjeçarja pas denoncimit ka deklaruar se dëshiron që vëllai i saj të ndiqet penalisht./ZËRI
