ITALI- Një dramë familjare ndodhi në provincën e Salernos në Itali, ku një burrë 38-vjeçar, Marco Aiello, goditi me thikë gruan e tij, në të njëjtën moshë, Maria Rosaria Troisi.
Goditja vdekjeprurëse iu dha në fyt. Menjëherë pas alarmit, policia ka nisur hetimet dhe ka arrestuar autorin e dyshuar të vrasjes. Ky është një tjetër rast i vrasjes së grave në Itali, që në muajt e fundit raportohen shifra të frikshme. Dy fëmijët e mitur të çiftit iu besuan disa të afërmve.
Në Calvizzano, në provincën e Napolit, dy bashkëshortë të moshuar janë gjetur të vdekur nga policia. Ngjarja ka ndodhur në një shtëpi në via Sandro Pertini. Trupat e të dyve kishin plagë me armë zjarri. Hetimet dhe gjetjet janë ende në vazhdim.
Hetuesit nuk përjashtojnë asnjë pistë, por mbizotëron hipoteza e vrasjes-vetëvrasjes. Çifti, në fakt, vuante nga patologji të rënda. Burri, 78 vjeç, kishte kancer në mushkëri, ndërsa gruaja e tij, 75 vjeçe, vuante nga demenca senile.
