BRITANI E MADHE- Dukesha e Jorkut, Sarah Ferguson po ndeshet sërish me probleme shëndetësore. Ferguson, është diagnostikuar me kancer e lëkurës pas heqjes së një nishani gjatë trajtimit për kancerin e gjirit.
Zëdhënësi i saj tha: “Dermatologu i saj kërkoi që disa nishane të hiqen dhe të analizoheshin në të njëjtën kohë kur dukesha po i nënshtrohej një operacioni rindërtues pas mastektomisë së saj, dhe një prej tyre është identifikuar si kancerogjene. Ajo po i nënshtrohet hetimeve të mëtejshme për t’u siguruar që kjo është kapur në fazat e hershme. Dukesha dëshiron të falënderojë të gjithë ekipin mjekësor që e ka mbështetur, veçanërisht dermatologun e saj, vigjilenca e të cilit siguroi që sëmundja të zbulohej”, shkruan BBC.
Ajo është e treta prej anëtarëve të familjes mbretërore që njofton për një procedurë mjekësore këtë javë. Në spital këtë javë u shtrua Mbreti Charles dhe Dukesha Kate Middleton./ZËRI
