Bota

Drejtonte automjetin në gjendje të dehur, arrestohet kryebashkiakja e New Jersey-t

Ajo po përpiqet të nxjerrë nga makina djalin e saj të vogël, por humbet ekuilibrin dy herë.

I.F
Drejtonte automjetin në gjendje të dehur, arrestohet kryebashkiakja e
Gina LaPlaca

SHBA- Kryebashkiakja e Neë Jersey-t Gina LaPlaca, është përfshirë në një skandal, duke drejtuar makinën e saj në gjendje të dehur, ndërkohë me të ishte dhe djali i saj i mitur. Sipas disa pamjeve të publikuara, autoritetet amerikane e ndalojnë atë pranë shtëpisë së saj më 17 mars, në ditën e Shën Patrikut. Ajo po përpiqet të nxjerrë nga makina djalin e saj të vogël, por humbet ekuilibrin dy herë. Në një moment dëgjohet oficeri i Policisë t’i thojë se disa persona kanë denoncuar atë.

“Kemi marrë disa raportime se keni kaluar në semafor të kuq dhe po e drejtoni makinën në shkelje me rregullat e qarkullimit rrugor”, dëgjohet të thotë ai.

"Oh, më falni," përgjigjet LaPlaca.

Sipas padisë së ngritur, një dëshmitar kishte regjistruar një video ku shfaqej kryebashkiakja duke drejtuar makinën në mënyrë të rrezikshme dhe pothuajse duke goditur një shtyllë elektrike. Në pamjet e policisë, shihet se pasqyra anësore e makinës së saj është e dëmtuar.

Gjatë testit për përdorimin e alkoolit, LaPlacës iu kërkua të qëndronte në njërën këmbë, por humbi ekuilibrin. Në makinën e saj, policia gjeti dy shishe me alkool. Ndërsa, niveli i alkoolit në trupin e saj ishte shumë i lartë sa u kërkua të transportohej në spital.

Ngjarja ka shkaktuar reagime të forta në komunitetin e Lumberton, me banorët që kërkojnë dorëheqjen e saj.

"Qyteti ynë është në një situatë shumë të vështirë," tha Amy Callahan, një sipërmarrëse vendase, për NBC News.

"Për të ecur përpara si komunitet, besoj se ajo nuk mund të vazhdojë të jetë pjesë e këshillit bashkiak."

Një tjetër anëtar i komitetit, Terrance Benson, gjithashtu kërkoi dorëheqjen e saj.

"Mendimi im personal është që kryetarja e bashkisë duhet të japë dorëheqjen dhe të përqendrohet te shëndeti i saj", tha ai.

Ndërkohë, bashkëshorti i saj, Jason Carty, reagoi në rrjetet sociale pas arrestimit, duke thënë se ajo ka luftuar me varësinë prej disa kohësh./ZËRI

Poll

MOS HUMB