LONDËR- Një burrë, ‘i armatosur me acid', i cili mbante peng me lëndën gërryese, një shofer autobusi dhe pasagjerët, është arrestuar nga policia. Shërbimet e urgjencës, duke përfshirë Grupin e Mbështetjes Territoriale të Policisë Metropolitane, të veshur me kostume kimike blu, u thirrën në vendngjarje në Croydon në orën 20:30, të ditës së djeshme.
Incidenti filloi kur një burrë, që dyshohet se ishte në fund të të 30-tave, hipi në autobusin 109 në Brixton dhe më pas filloi të pinte duhan, kur u ul sikur të jetë pasagjer i zakonshëm. Situata u përshkallëzua shpejt kur burri nxori një shishe, lëndën që besohet se ishte një lëndë gërryese.
Një përplasje prej tre orësh ka ndodhur mes policisë dhe 'burrit të armatosur me acid'. Mësohet se pasagjerët u larguan nga autobusi dhe lënda nuk ishte hedhur në drejtim të askujt dhe askush u lëndua.
Policia ndaloi burrin, i cili mund të shihej i veshur me një jumpsuit portokalli, përpara se të lidhej në një gur dhe të dërgohej në spital, për vlerësime mjekësore. Pas arrestimit, në vendngjarje janë thirrur ekspertë kimikë, për të vlerësuar substancën. Policia metropolitan angleze iu ka kërkuar qytetarëve, që të shmangin kalimin në këtë zonë. Motivet për veprimin e pazakontë janë të paqarta./ZËRI/
