RUSI- Pavel Durov, themeluesi i aplikacionit të mesazheve "Telegram" ka nënshkruar planin e tij të trashgimnisë. Ai thotë se 106 pasardhësit e tij do të duhet që të ndajnë pasurinë e tij me njëri-tjetrin. Bëhet fjalë për një shumë e cila konsiderohet të jetë rreth 14 miliardë dollarë.
"Ata janë të gjithë fëmijët e mi dhe të gjithë do të kenë të njëjtat të drejta. Nuk dua që ata të shqyejnë njëri-tjetrin pas vdekjes sime,"- tha 40-vjeçari Durov për revistën franceze "Le Point". Durov thotë se ka gjashtë fëmijë me tre partnerë të ndryshëm, por se ka më shumë se 100 trashëgimtarë të tjerë pasi ka dhuruar spermën e tij në një klinikë fertiliteti.
Por fëmijët e tij nuk do të kenë qasje në të ardhurat e tij, të paktën deri në 30 vitet e ardhshme.
"Dua që ata të jetojnë si njerëz të zakonshëm - të ndërtojnë veten e tyre, të mësojnë të besojnë në vetvete, të krijojnë sa të munden dhe të mos varen nga një llogari bankare,"- shtoi ai.
Pavel Durov lindi në vitin 1984 në Leningrad (Shën Petersburgu i sotëm) dhe e kaloi një pjesë të fëmijërisë së tij në Itali , ku babai i tij punonte në Universitetin Shtetëror të Shën Petersburgut . Së bashku me vëllanë e tij më të madh, Nikolai Durov , ai tregoi talent të shquar në matematikë dhe fitoi medalje ari në Olimpiadën Ndërkombëtare të Matematikës.
Kjo disiplinë dhe pasion për të mësuar hodhën themelet për përpjekjet e tij të ardhshme në zhvillimin e mjeteve teknologjike revolucionare . Pavel Durov përfundoi studimet e tij universitare në Universitetin Shtetëror të Shën Petersburgut, duke ndjekur traditën akademike të familjes, dhe që andej filloi të hidhte hapat e parë drejt karrierës së tij si novator dixhital.
Po atë vit, ai themeloi Telegram me vëllanë e tij Nikolai. Aplikacioni, i njohur për enkriptimin nga fillimi në fund, është lavdëruar për përkushtimin e tij ndaj privatësisë. Deri në vitin 2024, kishte më shumë se 950 milionë përdorues aktivë, duke e bërë atë një nga aplikacionet më të përdorura në të gjithë botën. Në gusht 2024, Durov u arrestua në Francë dhe kundër tij u ngritën procedura penale me akuzën se, si pronar i Telegram, ai nuk e ka përshtatur përmbajtjen në aplikacion me qëllim parandalimin e aktiviteteve kriminale./ZËRI
