ZVICËR- Presidenti Donald Trump e paraqiti argumentin e tij për blerjen e Groenlandës në Forumin Ekonomik Botëror në Dacos të Zvicrës të mërkurën, duke deklaruar se nuk do të përdorte forcë në Groenlandë, por këmbënguli se dëshiron "ta marrë, duke përfshirë të drejtën, titullin dhe pronësinë”.
Trump këmbënguli gjatë një fjalimi 75-minutësh, i cili përfshinte shumë tema, se Groenlanda përfaqëson “një interes thelbësor të sigurisë kombëtare” që “do ta rriste shumë sigurinë e të gjithë” aleancës së NATO-s nëse do të kontrollohej plotësisht nga Shtetet e Bashkuara.
“Po kërkoj negociata të menjëhershme për të diskutuar përsëri blerjen e Grenlandës nga Shtetet e Bashkuara”, tha Trump. “Ashtu siç kemi fituar shumë territore të tjera gjatë historisë sonë, siç kanë bërë shumë nga kombet evropiane… nuk ka asgjë të keqe me këtë.”
Trump sinjalizoi se ka të ngjarë të mos përdorë ushtrinë amerikane për të pushtuar Groenlandën, duke thënë: "Nuk kam nevojë të përdor forcë. Nuk dua të përdor forcë. Nuk do të përdor forcë".
Por ai sinjalizoi se çdo vend evropian që kundërshton që SHBA-të ta bëjnë Groenlandën pjesë të vendit do të përballet me pasoja, ndoshta me tarifat që ai kërcënoi gjatë fundjavës.
“Mund të thoni ‘po’ dhe ne do të jemi shumë mirënjohës, ose mund të thoni ‘jo’ dhe ne do ta kujtojmë”, tha Trump.
Groenlanda do të bëhej vendi i një sistemi mbrojtës nga raketat që Trump e quan Kupola e Artë, i cili sipas tij mund të “i mbajë larg armiqtë tanë shumë energjikë dhe të rrezikshëm” nëse ishulli bëhet pjesë e Shteteve të Bashkuara. /ZËRI
