SHBA- Florida po ndërton një qendër ndalimi për emigrantë të quajtur "Aligator Alcatraz" në Everglades. Sekretarja e Sigurisë Kombëtare Kristi Noem tha se objekti do të financohet "kryesisht" nga programi i strehimit dhe shërbimeve të Agjencisë Federale të Menaxhimit të Emergjencave, i cili më parë është përdorur për të ofruar strehim dhe ndihma për emigrantët pa dokumente.
Plani është kritikuar nga disa ligjvënës, përfshirë kryetarin e bashkisë së Qarkut Miami-Dade, i cili tha se mund të jetë “shkatërrues” për mjedisin. Propozimi teksa Trump përpiqet të përmbushë premtimin e tij të fushatës për të përshpejtuar deportimet e emigrantëve të paligjshëm.
“Nën udhëheqjen e Presidentit Trump, ne po punojmë me shpejtësi marramendëse për të gjetur mënyra inovative dhe me kosto efektive për të përmbushur mandatin e popullit amerikan për deportime masive të emigrantëve të paligjshëm që kryejnë aktivitete kriminale. Ne do t’i zgjerojmë mjediset dhe hapësirat e shtretërve vetëm brenda pak ditësh, falë partneritetit tonë me Floridën,”- tha Noem në një deklaratë.
Objekti do të ndërtohet në vendin e Aeroportit të Trajnimit dhe Tranzicionit Dade-Collier, një aeroport publik rreth 58 km nga Miami. Do të kushtojë rreth 450 milionë dollarë në vit për t’u ndërtuar. Në një video të postuar në X, Prokurori i Përgjithshëm i Floridës, James Uthmeier, e quajti aeroportin "një strukturë të braktisur". Ai tha se qendra e paraburgimit mund të ndërtohet brenda 30 deri në 60 ditësh dhe të strehojë rreth 1,000 njerëz.
Sipas tij, vendndodhja do të vepronte si një pengesë natyrore për të arratisurit. Uthmeier tha në video: Nëse tentojnë të arratisen do i presin aligatorët dhe pitonët. Nuk kanë ku të shkojnë!
Kryetarja demokrate e Qarkut Miami-Dade, Daniela Levine Cava, e kritikoi planin, duke thënë se ndikimet në ekosistemin Everglades mund të jenë shkatërruese. Florida Everglades është një rajon unik mjedisor që përfshin këneta, kullota, pyje dhe grykëderdhjeje. Ndaj sipas saj, objekti nuk do të vendoset brenda Parkut Kombëtar Everglades./ZËRI
