LONDËR- Autoritetet britanike të drejtësisë kanë paralajmëruar se dronët që dërgojnë armë në dy prej burgjeve të sigurisë më të lartë në vend, janë kthyer në një rrezik për sigurinë kombëtare. Kryeinspektori i burgjeve, Charlie Taylor, tha se në dy burgjet në vend, në Manchester dhe në Worcestershire, futja e dronëve ishte aq shumë e shpeshtë sa armët mund të futeshin kontrabandë. Këto dy burgjet mbajnë disa nga njerëzit më të rrezikshëm në vend, duke përfshirë terroristë, vrasës dhe bosët e bandave të krimit të organizuar.
Ai i tha për “BBC News” se autoritetet e burgut kishin "hequr hapësirën ajrore" mbi burgjet dhe kishte një rrezik në rritje të dhunës së armatosur, arratisjeve dhe peng marrjes.
Paralajmërimet e Taylor vijnë pas disa raporteve për kushtet përkatëse në burgjet e sigurisë maksimale. Ekipet e tij të inspektimit gjetën dështime serioze dhe të përsëritura të sigurisë dhe me prova të qarta të bandave që organizonin dërgimin nga ajri të artikujve, përfshirë armët, drogën dhe telefonat tek të burgosurit.
"Ky është një kërcënim për sigurinë kombëtare", tha Taylor.
"Potenciali që armët serioze të mund të hyjnë në burgjet tona në numër në rritje do të thotë se ekziston një rrezik, veçanërisht me këto burgje të kategorisë A, veçanërisht me disa nga burrat më të rrezikshëm në vend, të cilët ose janë të lidhur me bandat e krimit të organizuar ose ata janë terroristë. Potenciali që ata të jenë në gjendje të kryejnë vepra të rënda brenda burgut, ose potencialisht të jenë në gjendje të arratisen ose të shkaktojnë diçka si një situatë peng marrje është një shqetësim i madh", u shpreh ai.
Muret e burgut të Manchesterit
Taylor tha se bandat tani po përdornin dronët që transportonin ngarkesa deri në 1.3 kg kontrabandë në burg. Të burgosurit kishin organizuar shpërndarjen e "thikave zombie" dhe armët e zjarrit mund të pasonin.
"Thikat me të vërtetë po futen brenda. Është e mundur që nëse dikush do të dëshironte, ai mund të fuste një armë. Nëse një armë mund të futet në burg, atëherë i burgosuri mund ta përdorë atë për të marrë pengje ose për të kërcënuar stafin në mënyrë që të mund të shkojë drejt portës. Në fakt, ajo që ne po shohim është se hapësira ajrore mbi burgjet tona, që mban disa nga burrat më të rrezikshëm në vend, po u jepet bandave të krimit të organizuar", tha kryeinspektori.
Raportet zbulojnë se si në Manchester ashtu edhe në Long Lartin kishte dështime të rrjetës ÇTV dhe anti-dronit.
Oficerët në Manchester shohin vazhdimisht dronë që qarkullojnë nëpër burg gjatë natës. Të burgosurit kishin thyer xhamat në dritaret e qelive dhe përdornin aplikacionet GPS të telefonit për të drejtuar dërgesat në vendndodhje të sakta.
Në Long Lartin, i cili mban burra të dënuar për vepra terrorizmi, bandat artikujt kontrabandë nga dronët në qese plastike të zeza.
Këto nuk dallohen nga thasët me mbeturina që do të thotë se të burgosurit mund t'i marrin lehtësisht artikujt dhe hedhin qeset sikur të jenë mbeturina. Mbikëqyrja e burgjeve lëshoi një njoftim urgjent për kushtet në Manchester në tetor, duke thënë se ishte ndër burgjet më të dhunshme në vend. Ky alarm e bëri atë burgun e pestë në një vit që kërkon një përgjigje urgjente nga ministrat.
Ministria e Drejtësisë thotë se tashmë ka vepruar për këtë duke përmirësuar sigurinë, me një sistem të ri ÇTV dhe rrjetë kundër dronëve.
“Kjo qeveri trashëgoi burgjet në krizë. Ne jemi duke e kapur situatën duke investuar në mirëmbajtjen dhe sigurinë e burgjeve, duke punuar me policinë dhe të tjerët për të trajtuar krimin e organizuar dhe duke ndërtuar më shumë vende burgje për të mbyllur kriminelët e rrezikshëm”, tha një zëdhënës i ministrisë së Drejtësisë. /ZËRI
