SPANJË- Arturo Torró, biznesmen dhe ish-kryetar bashkie i Gandia-s në Spanjë, është gjetur i vrarë këtë të enjten në makinën e tij. Torro është qëlluar me armë zjarri dhe u gjet i vrarë rreth orës 6 të mëngjesit. Vrasja është raportuar nga bashkëshortja e tij, të cilën e kishte kontaktuar pak para ngjarjes, pasi kishte vënë re se i ishin shpuar gomat e makinës.
Torró kishte një karrierë të gjatë si politikan dhe biznesmen në Spanjë. Ai drejtoi bashkinë e Gandia-s nga viti 2011 deri në 2015, dhe ishte zëvendësuar nga Diana Morant, e cila aktualisht është ministre e Shkencës në Qeverinë e Spanjës.
Ai gjithashtu kishte qenë president i Partisë Popullore (PP) në Gandía nga 2010 deri në 2016. Pasi u largua si kryetar bashkie në vitin 2015, ai dha dorëheqjen si këshilltar dhe e la drejtimin e partisë në duar të kolegut të tij, Víctor Soler. Në vitin 2023, Torró u dënua me tre vjet e gjysmë burg për shpërdorim të fondeve publike në rastin "Tele 7", lidhur me dhënien e kontratave për shërbimet e komunikimit audiovisual nga bashkia e Gandia-s./ZËRI
