SHBA- Sekretari i Shtetit, Marco Rubio, ka njoftuar se administrata Trump ka vendosur mbylljen e 83% të programeve të ofruara nga USAID. Nëpërmjet një postimi në rrjetin social "X", Rubio sqaroi se arsyeja është keqpërdorimi i miliarda dollarëve që nuk përputheshin me interesat amerikane.
Sekretari i Shetit njoftoi gjithashtu se pjesa e mbetur e programeve të USAID që do të vijojnë, do të jenë nën monitorim dhe do të administrohen nga Departamenti i Shtetit.
“Pas një rishikimi 6-javor, ne po anulojmë zyrtarisht 83% të programeve në USAID. 5,200 kontratat që tani janë anuluar shpenzuan dhjetëra miliarda dollarë në mënyra që nuk i shërbenin (dhe në disa raste edhe dëmtonin) interesat thelbësore kombëtare të Shteteve të Bashkuara. Në konsultim me Kongresin, ne synojmë që 18% e mbetur e programeve që po mbajmë (afërsisht 1,000) tani të administrohen në mënyrë më efektive nën Departamentin e Shtetit. Faleminderit DOGE dhe stafit tonë punëtor që punuan me orë të tëra për të arritur këtë reformë të vonuar dhe historike,” -shkruan Rubio në X.
After a 6 week review we are officially cancelling 83% of the programs at USAID.
— Marco Rubio (@marcorubio) March 10, 2025
The 5200 contracts that are now cancelled spent tens of billions of dollars in ways that did not serve, (and in some cases even harmed), the core national interests of the United States.
In…
Ndërprerja e fondeve të USAID
Në ditën e tij të parë në detyrë më 20 janar, Presidenti Donald Trump vendosi një ngrirje 90-ditore të të gjithë ndihmave për vendet e tjera. Kjo nuk do të thotë që ndërprerja do të jetë e përherëshme. Përkundrazi! Për 90 ditë, të gjitha instancat do të kontrollojnë se ku dhe për çfarë jepen fondet; nëse janë në koherencë me parimet dhe vlerat amerikane, fondet do të vazhdojnë të lëvrohen. Edhe në Shqipëri erdhi një listë me të gjitha institucionet që do t'u ndërpritej burimi i të ardhuravre nga Amerika./ZËRI
