SHBA-Presidenti amerikan, Donald Trump njoftoi një armëpushim tre-ditor në luftën midis Rusisë dhe Ukrainës. Në një postim në Truth Social, presidenti i Shteteve të Bashkuara tha se do të zgjaste nga e shtuna deri të hënën.
"Kam kënaqësinë të njoftoj se do të ketë një ARMPUSHIM TRE-DITOR (9, 10 dhe 11 maj) në luftën midis Rusisë dhe Ukrainës. Shpresojmë që ky të jetë fillimi i fundit të një lufte të gjatë, vdekjeprurëse dhe të ashpër. Bisedimet për përfundimin e këtij konflikti madhor po vazhdojnë dhe çdo ditë po afrohemi më shumë drejt paqes”, tha presidenti amerikan në një postim në TruthSocial.
Trump bëri të ditur se gjatë këtyre tre ditëve do të pezullohen të gjitha aktivitetet ushtarake, ndërsa është rënë dakord edhe për shkëmbimin e 1 mijë të burgosurve nga secila palë. Presidenti amerikan tha se kërkesa për armëpushim ishte bërë drejtpërdrejt prej tij dhe falënderoi presidentin rus, Vladimir Putin, si dhe presidentin ukrainas, Volodymyr Zelenskyy, për pranimin e marrëveshjes.
