SHBA-Presidenti i SHBA-së, Donald Trump, ka njoftuar se Irani dhe Izraeli kishin rënë dakord të mos qëllonin njëri-tjetrin dhe se një marrëveshje me Iranin mund të jetë e mundur brenda dy ose tre ditësh. Trump shtoi se edhe Ngushtica e Hormuzit do të hapet menjëherë pas nënshkrimit të marrëveshjes.
“Jemi në fazat e fundit të një marrëveshjeje shumë të mirë që nuk do të lejojë në asnjë mënyrë ose formë armësh bërthamore. Dhe Ngushtica do të hapet menjëherë. Do të hapet menjëherë pas nënshkrimit, gjë që mund të ndodhë brenda dy ose tre ditësh. Jemi shumë afër një marrëveshjeje shumë të mirë, të fortë dhe të fuqishme. Nëse shkojmë dhe bombardojmë, gjë që mund ta bëjmë shumë lehtë nëse duam, dhe kalojmë edhe dy ose tre javë të tjera duke bombarduar, atyre nuk do t'u mbetet asgjë. Por nuk do ta keni këtë Ngushticë të hapur për muaj të tërë. Nëse bëjmë bombardimet, shumë njerëz do të vriten. Kush do ta bëjë këtë? Unë jo.”, tha Trump ndërsa fliste me gazetarët, raportojnë mediat e huaja.
Ndërkohë një helikopter sulmues Apache i Ushtrisë Amerikane u rrëzua dje pranë Ngushticës së Hormuzit./ZËRI
