POLONI- Kryeministri polak Donald Tusk para se të nisej për një takim të liderëve evropianë në Londër, se Evropa është zgjuar dhe po e kupton paradoksin se “500 milionë europianëve po u kërkojnë 300 milionë amerikanëve t’i mbrojnë nga vetëm 140 milionë rusë”.
"Evropa është zgjuar. Siç thashë dikur në Poloni, një gjigant është zgjuar dhe ata që ishin të dobët kanë ngritur kokën dhe kanë fituar. Një Evropë e zgjuar, një Evropë që di të llogarisë, që kupton potencialin e saj global, një Evropë që është një forcë, nuk do të jetë alternativë për SHBA-në”, tha kryeministri polak.
Tusk hodhi poshtë me forcë pretendimet e disa liderëve në Evropë që pajtohen me kushtet e Rusisë se Evropa nuk ka asnjë shans dhe se Rusia është superiore.
"Dëgjoni vetë se si tingëllon: 500 milionë evropianë luten 300 milionë amerikanë që t'i mbrojnë nga 140 milionë rusë. Nëse mund të mbështeteni, llogarisni në veten tuaj. Jo në izolim, por me vetëdije të plotë për potencialin tuaj. Sot, në Evropë, nuk na mungon fuqia ekonomike, njerëzit, por besimi se jemi një fuqi globale", tha Tusk.
Kryeministri polak tha se sipas përvojës së tij, se një agresor, qoftë edhe një ngacmues i zakonshëm në shesh lojërash, nuk sulmon më të voglin dhe më të dobëtin, por më tepër atë që ka frikë.
"Ka mungesë idesh në Evropë se ne jemi të guximshëm. Evropa duhet të shohë forcën e saj dhe unë do të flas për këtë në Londër".
Kryeministri prezantoi gjithashtu statistika se Evropa dhe Ukraina, të cilat janë në të njëjtën anë kundër agresionit rus, kanë 2,6 milionë ushtarë profesionistë, SHBA-ja 1,3 milionë, Kina 1,1 milionë dhe Rusia 2,091 milionë. Evropa dhe Ukraina kanë 1.456 avionë luftarakë, SHBA 1.409, Kina 1.224 dhe Rusia ende nuk ka shifra zyrtare.
Tusk tha se ai do të përpiqet që Polonia të ndihmojë në zgjimin e kësaj ndërgjegjeje të forcës, sepse një Evropë e tillë e zgjuar mund të garantojë paqen dhe jo të çojë në kapitullimin e Ukrainës.
"Unë do të mbështes iniciativën e kryeministres Meloni për të organizuar një samit BE-SHBA sepse duket shumë i nevojshëm. Por gjithashtu do të kërkoj me zë të lartë që Evropa, të gjitha vendet evropiane, të forcojnë krahun lindor tani. Dhe kjo do të jetë një provë e vullnetit për të pasur më shumë ushtarë evropianë në Finlandë, vendet baltike dhe në Poloni në kufirin me Rusinë dhe Bjellorusinë", përfundoi ai./ZËRI
