SHBA- Për të tretën ditë, Senati po përpiqet të gjejë "të mesmen e artë" për të "armatosur" Donald Trump me triliona dollarë që do të synojnë plotësisht angazhimet e tij dhe vizionin e tij për të ardhmen e vendit. "Loja" është përtej vështirësisë dhe kompleksitetit, pasi përveç demokratëve që padyshim do të "luftojnë", ka edhe reagime të forta nga krahu tradicional i republikanëve që duket se po mbështesin Elon Musk që gjithashtu është kundër. Pengesat duken të shumta, por është e qartë se Trump do të shtyjë përtej kufijve në mënyrë që këto fonde dhe autorizimi për përdorimin e tyre t'i japin atij "mjetet" shumë të nevojshme që i nevojiten për të zbatuar vizionin e tij "MAGA"...
Pikat kryesore të projektligjit
Zgjatja e uljeve të taksave të vitit 2017
Projektligji ruan uljet e taksave të prezantuara nga Akti i Uljeve të Taksave dhe Punësimit i vitit 2017. Ndërsa uljet e taksave për bizneset janë të përhershme, ato për individët skadojnë në fund të vitit 2025. Republikanët propozojnë zgjatjen e tyre përgjithmonë.
Rritja e përjashtimit nga taksat
Propozimi ngre përjashtimin nga taksat për çiftet e martuara që paguajnë 36 mijë dollarë; dhe 16,000 dollarë për beqarët. Secilit grup u shtohen nga 2 mijë dhe 1 mijë euro taksa.
Uljet e Medicaid
Kërkesa të reja për akses në Medicaid, si dhe kufizime më të rrepta për financimin ne kujdesit shëndetësor. Disa republikanë kërkojnë të kufizojnë mbulimin për emigrantët.
Fondi i Mbështetjes së Spitaleve
Krijon një fond prej 25 miliardë dollarësh për të stabilizuar spitalet dhe klinikat, duke filluar nga viti 2028.
Zgjerimi i Zbritjes SALT
Limiti i zbritjes së tatimit mbi të ardhurat shtetërore dhe lokale (SALT) rritet përkohësisht, por kthehet në 10,000 dollarë pas 5 vitesh.
Kufizime të programit SNAP
Zgjerimi i kuponave ushqimore (SNAP) është i kufizuar, me shtetet që kërkohet të mbulojnë më shumë nga kostoja - deri në 75% deri në vitin 2027.
Rritja e përfitimeve për fëmijë - me kusht.
Përfitimi rritet në 2,200 dollarë për fëmijë dhe indeksohet sipas inflacionit. Megjithatë, përjashton familjet pa një numër të vlefshëm të Sigurimeve Shoqërore, duke kufizuar aksesin për ata që nuk janë shtetas amerikanë.
170 miliardë dollarë për murin dhe imigracionin
Projektligji parashikon 170 miliardë dollarë për përforcimin e kufirit: 46 miliardë dollarë për mure dhe fortifikime, 70 miliardë dollarë për qendrat e paraburgimit dhe transportin e emigrantëve.
Taksa mbi fondet universitare
Një taksë e re e shkallëzuar vendoset mbi rezervat universitare, bazuar në rezervat për studentë.
"Llogaria Trump" për të porsalindurit
Çdo i porsalindur merr 1,000 dollarë, në të cilën mund të depozitohen deri në 5,000 dollarë çdo vit deri në moshën 31 vjeç.
Përjashtim nga taksat për bakshishet
Bakshishet përjashtohen nga taksimi, me kusht për të parandaluar abuzimin nga punëtorët me paga të larta.
Përjashtimi nga taksat për orët shtesë
Ora shtesë përjashtohet nga taksat për punëtorët me një numër të vlefshëm të Sigurimeve Shoqërore. Punonjësit me të ardhura të larta janë të përjashtuar.
Zbritja e Interesit për Makinat Amerikane
Blerësit e automjeteve të prodhuara në Amerikë mund të zbresin deri në 10,000 dollarë në interesa kredie gjatë 4 viteve. Zbritja zvogëlohet gradualisht për të ardhurat e larta.
Përjashtim tatimor për të moshuarit
Ata mbi 65 vjeç marrin një zbritje shtesë prej 6,000 dollarësh, e cila ulet gradualisht në bazë të të ardhurave.
Përjashtime të Përhershme nga Taksat për Bizneset
Projektligji përcakton përgjithmonë zbritjet për amortizimin, kërkimin dhe zhvillimin, dhe interesin e biznesit.
158 miliardë dollarë për mbrojtjen
Fondet "Kupola e Artë" ofrohen për logjistikën e mbrojtjes, projektet e ndërtimit të anijeve dhe sistemin raketor "Kupola e Artë".
Shfuqizimi i faljes së kredisë studentore
Programi i faljes së kredisë studentore të administratës Biden shfuqizohet, duke kursyer 320 miliardë dollarë.
Stimuj tatimorë për arsimin privat
Një zbritje tatimore 100% ofrohet për donacionet dhe organizatat që mbështesin familjet që çojnë fëmijët në shkollë private ose i mësojnë në shtëpi.
Shfuqizimi i subvencioneve të gjelbra
Kredia tatimore prej 7,500 dollarësh për automjetet elektrike eliminohet, ndërsa stimujt për prodhimin e energjisë së gjelbër hiqen gradualisht.
Nafta, gazi dhe qymyri
Hapet rruga për shpime të reja në Gjirin e Meksikës dhe Alaska. Inkurajohet rritja e prodhimit të qymyrit.
Çfarë ndodh më pas?
Senati duhet të bjerë dakord për një version përfundimtar të projektligjit përpara se ta dërgojë atë në seancë për votim.
Meqenëse ka të ngjarë të përfshijë disa nga ndryshimet në projektligjin origjinal të Dhomës së Përfaqësuesve, ai do të kthehet në Dhomë për një votim tjetër ku pothuajse me siguri do të hasë në më shumë sfida. Republikanët në Dhomën e Përfaqësuesve kanë shprehur tashmë ankesat e tyre. Demokratët, të cilët nuk kanë as shumicë në Dhomën e Përfaqësuesve dhe as në Senat, e kanë kritikuar projektligjin, veçanërisht për ndryshimet në Medicaid dhe kuponat ushqimore./ZËRI
