BERLIN- Ministrja e Jashtme gjermane Annalena Baerbock ka rrëfyer sa ka qenë viktimë e ngacmimeve seksuale “shumë herë”, tha ajo në podcastin “G Spot”. E ftuar në podcast-in e prezantuar nga fituesja e konkursit "Germany's Next Top Model" 2014, Stephanie Giesinger, ministrja gjermane foli për politikën e jashtme, feminizmin dhe fenomenet e seksizmit në jetën publike.
"Rasti #MeToo më bëri të rimendoj gjërat. Vetëm tani po e kuptoj se sa herë jam ngacmuar vetë," pranoi Burbock dhe tregoi një incident nga koha kur ishte studente.
“Në autobusin për në shkollë, një zotëri i moshuar më vuri dorën në këmbë. Imazhi po më shfaqet para syve dhe pse e kisha harruar. M'u deshën pesë ndalesa për të gjetur guximin për t'u larguar. Mendova se po të thosha diçka, do të më shikonte i gjithë autobusi. Uaa, sa herë më ka ndodhur diçka e tillë...”, tha ministrja.
“Turpi duhet të ndryshojë anë dhe këto çështje duhet të diskutohen hapur”, theksoi Analena Baerbock, duke folur për të dhënat kërkimore në emision, ku rreth 60% e grave në Gjermani kanë përjetuar të paktën një formë të ngacmimit seksual në jetën e tyre./ZËRI
