PARIS- Ligjvënësit francezë kanë votuar për rrëzimin e Qeverisë së kryeministrit, Michel Barnier, vetëm tri muaj pasi ai mori pushtetin. Pas kalimit të mocionit të mosbesimit ndaj qeverisë është thelluar kriza politike në Francë. Qeveria e kryeministrit Michel Barnier, është para që shkarkohet përmes mosbesimit në 60 vjetët e fundit. Para votimit, në një intervistë televizive të martën, Barnier kishte deklaruar se ende besonte që qeveria e tij mund t'i mbijetojë mosbesimit.
Por, partia e ekstremit të djathtë, Tubimi Kombëtar (RN), e bëri të qartë të mërkurën në mëngjes se do të votojë së bashku me partitë majtiste për ta rrëzuar Qeverinë. Majtistët dhe djathtistët së bashku kishin vota të mjaftueshme për ta rrëzuar qeverinë. Presidenti Emmanuel Macron mund t’i kërkojë Barnierit të qëndrojë si kryeministër në detyrë derisa të emërohet një kryeministër të ri, gjë që mund të ndodhë vetëm vitin e ardhshëm.
Kriza politike mund t’i dëmtojë bizneset, konsumatorët dhe taksapaguesit, shprehen ekspertët dhe ekonomistët për Reuters. /ZËRI
