BEJRUT- Sheikh Naim Kassem është zgjedhur lideri i ri i Hezbollahut, pas vrasjes së Hassan Nasrallah. Hezbollahu tha se Kassem u zgjodh për shkak të "përmbushjes së tij ndaj parimeve dhe qëllimeve" të organizatës. Më herët gjatë këtij muaji, Kassem tha se konflikti midis Hezbollahut dhe Izraelit është një luftë se kush do të qajë i pari dhe Hezbollahu nuk do të vajtojë.
Por ai shtoi se Hezbollahu mbështet përpjekjet e kryetarit të parlamentit Nabih Berri, një aleat i Hezbollahut, për të siguruar një armëpushim, duke lënë jashtë për herë të parë çdo përmendje të një marrëveshjeje armëpushimi në Gaza si kusht për armëpushimin e grupit kundër Izraelit.
Fjalimi i tij u mbajt disa ditë pas teorisë se zyrtari i lartë i Hezbollahut, Hashim Safieddin ishte objektivi i një sulmi izraelit. Vdekja e Hashim Safieddinit u konfirmua nga Hezbollahu më 23 tetor.
-
Nis lufta, Izraeli fillon pushtimin e Libanit
30 Shtator, 22:14 -
-
Pas Nasrallah, Izraeli vret një tjetër komandat të lartë të Hezbollah
29 Shtator, 12:51 -
Spikerja me lot në sy njofton vdekjen e liderit të Hezbollah
29 Shtator, 12:06 -
Që nga viti 1991 në Hezbollah
Kassem u emërua nënkryetar në vitin 1991 nga lideri i atëhershëm i Hezbollahut, Abbas al-Musawi, i cili u vra në një sulm me helikopter izraelit vitin e ardhshëm.
Kassem mbajti rolin e tij edhe pasi Nasrallah u bë lider dhe ka qenë prej kohësh një nga zëdhënësit kryesorë të Hezbollahut, duke dhënë intervista për mediat e huaja, ku ka folur edhe për armiqësitë ndërkufitare me Izraelin gjatë vitit të kaluar. /ZËRI
