IZRAEL-Përfaqësuesit e Izraelit, Hamasit, Shteteve të Bashkuara dhe Katarit nënshkruan zyrtarisht marrëveshjen me Hamasin për pengjet dhe armëpushimin në Gaza. Takimi nuk pritej të zhvillohej deri në mbrëmjen e nesërme, por përfundimisht u vendos që të përshpejtohej procedura.
Marrëveshja është miratuar edhe nga kabineti i sigurisë së shtetit hebre, ndërsa tani i mbetet qeverisë izraelite ta miratojë para se ajo të hyjë në fuqi. Kryeministri Benjamin Netanyahu ka udhëzuar autoritetet që të punojnë në përgatitjet për të mirëpritur të gjithë pengjet e ndodhur në enklavën palestineze.
Ndërkohë, përfaqësuesit e familjeve të pengjeve izraelitë të mbajtur në Gaza u bënë thirrje negociatorëve që të përfundojnë të gjitha fazat e marrëveshjes sot dhe të sigurojnë kthimin e të gjithë të burgosurve. Në fazën e parë të armëpushimit të mundshëm, 33 pengje do të lirohen gjatë gjashtë javëve me të paktën tre të liruar çdo javë.
-
-
-
Çfarë përmban marrëveshja e armëpushimit në Gaza
15 Janar, 21:21
Në mediat izraelite u publikua lista me 33 pengjet që do të lirohen në fazën e parë të marrëveshjes së armëpushimit me Hamasin. Lista nuk specifikonte statusin e pengjeve, por Izraeli beson se shumica e 33 janë gjallë. Çdo ditë, sapo pengjet të merren nga trupat e IDF-së dhe familjet të informohen, zyra e kryeministrit do të lëshojë një deklaratë me emrat e robërve të liruar./ZËRI
