TIRANË- Protestues të opozitës janë mbledhur sërish sot, për herë të tretë para bashkisë së Tiranës. Edhe sot, si herët e tjera, protesta u shoqërua me momente tensioni, madje dhe me koktejl molotovi.
Të prirur nga përfaqësues të Rithemelimit dhe Partisë së Lirisë, me Flamur Nokën dhe Tedi Blushin në krye, opozitarët u përplasën me Policinë dhe tentuan që të hiqnin gardhin metalik që rrethoi objektin e Bashkisë. Megjithatë nuk ia dolën dhe u vendosën që të shpërndaheshin.
Kërkesat e opozitës edhe sot ishin të njëjtat. Sërish sot kërkuan dorëheqjen e kryebashkiakut të Tiranës, Erion Veliaj për të ashtuquajturën dosja "5D", që çoi në pranga disa ish-drejtorë të Bashkisë së Tiranës. Me megafon Tedi Blushi, këshilltar bashkiak i Partisë së Lirisë dhe ish-kandidati i 'Bashkë fitojmë' për Bashkinë e Tiranës, Belind Këlliçi kërkuan largimin e Veliajt.
Ky i fundit, deri më tani nuk ka pasur asnjë reagim për protestën e radhës së opozitës./ZËRI
Ku do t'i kaloni pushimet për këtë verë?
-
Në Shqipëri
-
Do udhëtoj jashtë vendit
-
Jam i/e pavendosur
-
Nuk do të bëj fare pushime
