LIBRAZHD-Një aksident i rëndë ka ndodhur në aksin Librazhd-Elbasan ku një makinë është përplasur me një kamion.
Në pamjet e siguruara nga Weblajm, shihet momenti kur makina me pasagjeren shtatzënë ka dalë nga korsia në kthesë dhe godet kamionin.
Aksidenti i frikshëm ka ndodhur paraditen e sotme dhe për fat të mirë s'ka asnjë viktimë dhe gruaja shtatzënë është jashtë rrezikut për jetën.
Njoftimi Policisë:
Rreth orës 12:15, në aksin rrugor “Librazhd-Elbasan”, në vendin e quajtur “Ura e Murrashit”, kamioni që drejtohej nga shtetasi G. T., banues në Maqedoninë e Veriut, është përplasur me automjetin me drejtues shtetasin A. T., banues në Pogradec.
Si pasojë e aksidentit janë dëmtuar shtetasi A. T. dhe pasagjerja në automjetin që drejtonte ky shtetas, të cilët janë dërguar në spital, për kujdes mjekësor.
Me shtetasin G. T. po kryhen veprimet e mëtejshme procedurale.
Grupi hetimor në vendngjarje po punon për sqarimin e rrethanave të aksidentit.
