TIRANË- U kap me snajper në makinë, Gjykata dënon me 7.9 vite burg ish-efektivin Remal Rada
Ndërsa me pesë vite burg është dënuar miku i Radës, Elton Hidhi. Ata janë kapur vitin e kaluar me snajper te zona e rrethrrotullimit të Saukut.
Remal Rada u arrestua një vit më parë, teksa në mjet iu gjetën arsenal armësh. Kontrollet policore ndaj tij vazhduan edhe në banesë, ku janë gjetur 1 armë zjarri snajper, 1 armë zjarri pistoletë, një karikator armë automatike, 2 krehra pistoletë, një sasi municioni luftarak, dy palë dylbi nate termale dhe një dokument policie.
Dyshohet se Rada dhe Hodhi ishin nisur për të kryer një vrasje.
Kjo nuk është hera e parë që RENEA dhe efektivë të tjerë të policisë ndalojnë kolegët ose ish-kolegët e tyre, në tentativë për të kryer vepra të rënda penale. Ndërsa, nuk dihet se kush ishin personat, nën shenjestrën e Radës dhe mikut të tij. /Zëri.ai/
