HAS- Një ngjarje tragjike ka ndodhur gjatë natës në Has, ku si pasojë e zjarrit që ka rënë në një banesë, dy persona dyshohet se kanë humbur jetën.
Ngjarja ka ndodhur në banesën e familjes Lushi në fshatin Nikoliq të Hasit.
Djali i shtëpisë Rexh Lushi ka lajmëruar zjarrfikësen, e cila është nisur drejt vendngjarjes që është 8 km larg Hasit në një rrugë me kalldrëm.
Ndërkohë zjarri kishte marrë përmasa të mëdha dhe Rexh Lushi pasi ka shpëtuar bashkëshorten është futur në shtëpi për të nxjerrë nënën e bllokuar mes flakëve, por nuk ka mundur dot të dalë prej andej.
Zjarrfikësit kanë gjetur vetëm trupin e Time Lushit dhe po punohet për gjetjen e djalit të saj. E gjithë banesa është kthyer në një gërmadhë si pasojë e flakëve.
View this post on Instagram
Njoftimi i policise:
Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit R. L.
Si pasojë e zjarrit, kanë humbur jetën shtetasi R. L. dhe nëna e tij, shtetasja F. L., ndërsa bashkëshortja e shtetasit R. L., shtetasja A. L., ka mundur të dalë nga banesa.
Grupi hetimor, në drejtimin e prokurorit, po punon për përcaktimin e shkakut të rënies së zjarrit.
/ZËRI
