TIRANË- SPAK, Prokuroria e Posaçme Kundër Korrupsionit dhe Krimit dhe Organizuar ka regjistruar procedim penal dhe po vijon hetimet në lidhje me tenderin 1.7 miliardë lekë për reklamimin e portalit e-Albania. Të kallëzuar janë marrë, drejtoresha e Agjencisë Kombëtare të Shoqërisë së Informacionit (AKSHI-t) Mirlinda Karçanaj; drejtoreshën e Përgjithshme për të Drejtën e Informimit, Elona Hoxhaj; administratorja e subjektit ‘Spot Communications’ Mirza Alibegaj si dhe persona të tjerë që mund të identifikohen gjatë hetimeve.
Sipas "OraNews", prova të tjera janë depozituar në SPAK, ndërsa avokatja Adriana Kalaja ka kërkuar ngritjen e një grupi auditues për të zbardhur se kush është përfituesi i tenderit. Po ashtu, mësohet se SPAK i ka dërguar fletethirrje drejtoreshës së AKSHI-t, Mirlinda Karçanaj për t'u marrë në pyetje, por nuk është e vetmja. Por nuk është e vetmja. Fletëthirrje për t'u marrë në pyetje ka marrë edhe administratorja e kompanisë “Spot Communicatiuons” Mirza Alibegaj dhe Komisioneri për të Drejtën e Informimit dhe Mbrojtjen e të Dhënave Personale, Besnik Dervishi.
-
Tenderi 1.7 milion euro, SPAK nis hetimet për AKSHI-n
15 Nëntor, 19:59
Sipas një investigimi të bërë nga "OraNews", në këtë tender morën pjesë kompanitë, ‘Oglivy’ shpk, ‘Spot Communicatiuons’ shpk dhe ‘1Up’ shpk. Por nga hetimi zbuloi se kompantë janë të lidhura me njëra-tjetrën. Kompania fituese ‘Spot Communicatiuons’ dhe kompania pjesëmarrëse në tender ‘1Up’ janë të lidhura me njëra-tjetrën. Mirza Alibegaj sot administratore e ‘Spot Communicatiuons’ në vitin 2013 ka qenë administratore e ‘1Up’. Sipas ekstraktit historik në QKB, Mirza Alibegaj, u emërua administratore pas largimit te Theodhoro Çamit. Në vitin 2013 ‘Le Spot Group’ ka qenë ortak me kompaninë ‘1Up’ sot ‘Le Spot Group’ është ortak i kompanisë ‘Spot Communicatiuons’. Për më tepër, në momentin e hapjes së tenderit, të gjitha kompanitë kishin të njëjtën adresë në zonën e Lundrës./Zëri.ai
