KUKËS- Një aksident i rëndë automobolistik ka ndodhur mëngjesin e kësaj të hëne në Kalimash.
Nga informacionet paraprake mësohet se është përmbysur një kamion i ngarkuar me krom dhe si pasojë e aksidentit ka ndërruar jetë drejtuesi i kamionit.
Burime bëjnë me dije se viktima është shtetasi S. Lugja dhe punonte si shofer i një firme që shfrytëzon kromin në Kalimash.
NJOFTIMI I POLICISË:
Rreth orës 06:30, në Kalimash, shtetasi S. L., 37 vjeç, duke drejtuar një automjet trajler të ngarkuar me krom, dyshohet se për shkak të një manovre të gabuar, ka humbur kontrollin mbi drejtimin e automjetit dhe si pasojë automjeti ka rënë nga një lartësi.
Për shkak të dëmtimeve, shtetasi S. L. ka humbur jetën në vendngjarje.
Grupi hetimor po punon për sqarimin e rrethanave të aksidentit.
