SHKODËR- Policia e Shtetit ka goditur një rast tjetër i kultivimit të bimëve narkotike, në Vaun e Dejës. Gjatë kontrolleve të zhvilluara në terren, efektivët e Policisë kanë gjetur dhe asgjesuar mbi 7300 bimë kanabisi. Bimët ishin mbjellë në njësitë administarative Shllak dhe Temal, por ende nuk janë gjendur kultivuesit.
Njoftimi i policisë:
Vau i Dejës/Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike. Nga kontrollet intensive të territorit, gjenden në njësitë administarative Shllak dhe Temal, dhe dhe asgjësohen 7378 bimë cannabisi. Në vijim të megaoperacionit kombëtar policor, të koduar “Territor i pastër”, u evidentua dhe u godit 1 rast tjetër i kultivimit të bimëve narkotike, në Vaun e Dejës.
Shërbimet e Komisariatit të Policisë Vau i Dejës, gjatë kontrollit të territorit, në njësitë administarative Shllak dhe Temal, gjetën dhe asgjësuan 7378 bimë cannabisi. Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale. Megaoperacioni “Territor i pastër” vijon./ZËRI
