DURRËS- Detaje të reja nga plagosja që ndodhi mbrëmjen e djeshme në Durrës, ku autori i ngjarjes është nipi dhe njëherësh shoferi i deputetit Ferdinand Xhaferraj. Gentian Kuqi, 50-vjeç plagosi me armë zjarri komshiun e tij, shtetasin Mikel Spirollari, 40 vjeç, i cili ndodhet në spital në gjendje të rëndëuar për jetën. Sipas weblajm, Kuqi është nipi dhe njëherësh punon si shofer i deputetit të Partisë Demokratike.
Shkak i konfliktit mes dy komshinjve mësohet se ka qenë zhurma e shkaktuar nga banesa e të plagosurit. Si pasojë e këtij sulmi, Mikel Spirollari ka marrë dy plumba në trup dhe është transportuar me urgjencë në spital për trajtimin e plagëve të tij të rënda.
-
Degradon sherri mes fqinjëve, plagosje me armë zjarri në Durrës
25 Janar, 22:49
Pas ngjarjes, Gentian Kuqi është arratisur në drejtim të paditur dhe policia aktualisht po vijon hetimet për të zbuluar vendndodhjen dhe kapjen e tij. Ndërkohë në zonë ishin mbrëmjen e djeshme shumë forca policie për të siguruar qetësinë dhe vijon puna për zbardhjen e ngjarjes.
Autoritetet lokale kanë bërë thirrje për bashkëpunim nga ana e qytetarëve për të zbuluar të gjitha rrethanat e ngjarjes dhe për të ndaluar personin e dyshuar për këtë akt kriminal.
NJOFTIMI I POLICISË:
Në lagjen nr 4 në Durrës, si pasojë e një konflikti të çastit, shtetasi G.K, 50 vjeç, ka plagosur me armë zjarri pistoletë shtetasin M.S, 40 vjeç, (komshi), i cili është transportuar menjëherë në spital për ndihmë mjekësore.
Shërbimet e Policisë me marrjen e njoftimit kanë shkuar menjëherë në vendngjarje dhe kanë rrethuar zonën dhe vijon puna për kapjen e autorit, i cili pas plagosjes së shtetasit M.S, është larguar menjëherë nga vendi i ngjarjes.
Grupi hetimor nën drejtimin e Prokurorit vijon punën për zbardhjen dhe dokumentimin e rrethanave të ngjarjes. Pas sqarimit të rrethanave të ngjarjes do të ketë njoftim të dytë.
/ZËRI
