TIRANË- Mbledhja e Komisionit të Ekonomisë dhe Financave është shoqëruar me diskutime të forta por dhe me batuta këtë të hënë. Shkak është bërë një "ngatërresë" e kryetarit Eduard Shalsi, i cili iu drejtua deputetit socialist Frrok Gjini me "zoti Frroku".
Ky i fundit ia ktheu me humor duke i kujtuar se është Gjini. Pasi sipas tij Frroku (referuar ish-deputetit Mark Frroku) është... duke mos e përfunduar përgjigjen e tij.
Pjesë nga diskutimi:
Eduard Shalsi: Kalojmë në votim nëse nuk ka diskutime të tjera? …. Duke falënderuar të ftuarit kalojmë tek pika e dytë e rendit të ditës, lidhur me projektligjin e depozituar nga Petrit Vasili. Projektligji është, iniciativë që shoh… e kemi diskutuar këtë por nuk kemi votuar.
Frrok Gjini: Deri në 2022 o vëlla.
Eduard Shalsi: E kemi diskutuar, por nuk kemi marrë një vendim zoti Frroku.
Frrok Gjini: Nuk jam Frroku, jam Gjini, Frroku është në…
Eduard Shalsi: Frrok Gjini pra… (buzëqesh).
Kjo u kalua me të qeshura. Pastaj socialisti Eduard Shalsi u mundua të dalë nga situata, duke i lënë të pretendohej se i ka thirrur në emër dhe jo në mbiemër./Zëri.ai
