ITALI- Lorenzo Çela, 16 vjeç ka ndërruar jetë ditën e djeshme në një spital në Brescia, Itali, ku ndodhej i shtruar që prej pasdites të së dielës. Sipas mediave të huaja, i riu kishte përfunduar në spital në kushte shumë të rënda shëndetësore pas përplasjes që ndodhi në via Mantova, në kufirin mes Lonato dhe Castiglione delle Stiviere.
I riu është shpallur i vdekur klinikisht dhe tashmë është në pritje të skadimit të intervalit kohor të parashikuar nga protokolli për heqjen e organeve. Prindërit e djalit kanë vendosur që të dhurojnë organet për të shpëtuar jetë të tjera. Prindërit e tij, Alket dhe Fabienne, kanë vendosur që të dhurojnë organet e djalit të tyre. Lajmi për vdekjen e tij tronditi qytetin ku jetonte.
Pasditen e djeshme, në vetëm pak orë, qindra persona shprehën dhimbjen e tyre në rrjetet sociale.
“Një goditje në zemër për këtë lajm shumë të trishtë. Xhaxhai yt Klodi ishte shumë krenar për ty, për arritjet dhe për arsimimin tënd të mrekullueshëm,”- tha xhaxhai i tij.
I riu me origjinë shqiptare kishte një pasion të madh për futbollin: luante në ekipin e të rinjve të Desenzanos, nuk mungonte asnjëherë në stërvitje dhe gjatë ndeshjeve ofroi kontributin e tij si fizikisht ashtu edhe moralisht për ekipin.
Ndërkohë që familjarët e vajtojnë humbjen e të riut, policia e Castiglione vazhdon hetimet për të zbuluar shkakun e aksidentit./ZËRI
