TIRANË- Pas rasteve të disa sëmundjeve infektive në kafshë në vendet e rajonit, Autoriteti Kombëtar i Veterinarisë dhe Mbrojtjes së Bimëve njofton se gjendja epizootike në vendin tonë është e pastër.
“Autoriteti Kombëtare e Veterinarisë dhe Mbrojtjes së Bimëve njofton se gjendja epizootike në vendin tonë është e pastër. Aktualisht nuk kemi konstatuar asnjë rast me Murtajën e Ruminantëve të Vegjël (sëmundje që po shkakton dëme në shtetin e Greqisë dhe Rumanisë)”, -njoftoi AKVMB.
Në një njofim së fundmi, Ministria e Bujqësisë dhe Zhvillimit Rural, bashkë me AKVMB dhe AKU informojnë se po ndjekin nga afër situatën dhe kanë marrë masa për ndërprerjen e importit të kafshëve të imëta nga vende ku është shfaqur sëmundja. Ndërkohë është komunikuar me autoritetet e Bashkive kufitare me Greqinë për të bashkëpunuar me shërbimin veterinar. Në fund AKVMB bën me dije se nuk ka vend për panik, por bashkëpunim edhe nga qytetarët për kalimin e kësaj situate.
NJOFTIMI:
Nisur nga gjendja epizootike në vendet fqinje dhe të Rajonit të Ballkanit si rezultat i shfaqjes së disa sëmundjeve infektive në kafshë, si; Murtaja e Ruminantëve të Vegjël, Bruceloza, Tuberkulozi, etj l, Autoriteti Kombëtare e Veterinarisë dhe Mbrojtjes së Bimëve njofton se gjendja epizootike në vendin tonë është e pastër. Aktualisht nuk kemi konstatuar asnjë rast me Murtajën e Ruminantëve të Vegjël( sëmundje që po shkakton dëme në shtetin e Greqisë dhe Rumanisë). Rastet e diagnostikuara me Brucelozë dhe Tuberkuloz janë sporadike dhe janë trajtuar sipas legjislacionit në fuqi. MBZHR, AKVMB, AKU në bashkëpunim dhe me institucione të tjera po ndjekin nga afër gjithë situatën, si dhe janë marrë masa për :
-ndërprerje të importit të të imtave nga vende ku është shfaqur sëmundja;
-AKVMB ka ngritur grupe pune për sensibilizimin e trupës së saj inspektuese dhe të blegtorëve;
-janë informuar fermerët për shenjat e klinike të sëmundjes dhe masat që duhen marrë në çdo rast dyshimi;
-në bashkëpunim me Policinë e Shtetit dhe atë Kufitare janë ngritur grupe të përbashkëta kontrolli në akset nacionale dhe zonat kufitare për kontrollin e lëvizjes së kafshëve me dokumentacion sipas legjislacionit.
Këto grupe janë të gatshme 24 orë. Gjithashtu inspektorëve të AKU në Pikat e Kalimit Kufitar në çdo rast do t’i bashkohen veterinerë kontrolli të Shërbimit Veterinar për verifikimin e gjendjes së kafshëve. Ndërkohë është komunikuar me autoritetet e Bashkive kufitare me Greqinë për të bashkëpunuar me shërbimin veterinar. Bëjmë me dije se nuk ka vend për panik, por duhet një bashkëpunim dhe nga qytetarët për kalimin e kësaj situate.
-
Shqipëria ndalon importin e mishit nga gjashtë vende
20 Mars, 23:08 -
Më herët si masë mbrojtëse, Shqipëria ndaloi importin e dhënëve, dhive dhe lopëve nga Greqia, Turqia dhe Rumania për shkak të “sëmundjes së pestë të ruminantëve të vegjël.” Paralelisht, janë marrë masa mbrojtëse ndaj sëmundjes së influencës aviare me patogjenitet të lartë të shpendëve, të shfaqur në Bullgari, Norvegji, Itali dhe Moldavi./ZËRI
