GREQI - Një 60-vjeçar shqiptar është qëlluar me armë zjarri. Viktima është identifikuar si Thimo Roland Droboniku. Ngjarja ka ndodhur në orën 21:00 të mbrëmjes në rrugën 44 Atlantos në Paleo Faliro. Sipas mediave greke, shqiptari ka marrë dy të shtëna nga një armë.
Sipas informacioneve të mediave helene, ngjarja e përgjakshme ka ndodhur në orën 21:00, në rrugën Atlantos 44. 60-vjeçari është dërguar ende me shenja jete në “Evangelismos”, në gjendje të rëndë dhe ka ndërruar jetë pak kohë më vonë.
Sipas të njëjtave informacione, ai kishte marrë tre plumba në gjoks. Në vendin e ngjarjes janë gjetur dy gëzhoja, ndoshta 9 mm. Hetimet paraprake po kryhen nga Nën/Drejtoria e Ndjekjes së Krimeve kundër Jetës dhe Pronës.
Viktima, anëtar i dyshuar i një bande kriminale
Mësohet se 60-vjeçari kishte precedente të rënda penale, pasi dyshohet se ishte dënuar për pjesëmarrje në organizatë kriminale, formim bande, shkelje të ligjit për Narkotikët dhe Kodit Doganor e falsifikim./Zëri.ai/
