FIER- Kryebashkiaku në detyrë i Mallakstrës, Qerim Ismailaj për të cilin SPAK, kërkoi 1 vit burg për fshehje të dënimit në formularin e dekriminalizimit, është punësuar në Muzeun Historik Fier. WebLajm ka mësuar se Ismailaj e ka kryer këtë punën në muze, në shlyerje të dënimit të dhënë nga gjykata e posaçme.
Ai ka kryer 40 orë punë në itneres të komunitetit, duke dërguar në SPAK vërtetimin se ai ka punaur pranë Muzeut Historik në Fier. Ende mbetet e paqartë puna që ka bërë Ismailaj në Muzeun e Fierit, i cili ka në organikë Ciceron, Historian, Roje, Bileta Shitës apo Drejtues. Punën prej 40 orësh Ismailaj e ka kryer pa pagesë, ndërsa kjo pritet ti shtohet CV së tij si drejtues i Bashkisë Mallakstër dhe funksionar politik e publik.
Gjykata e Posaçme pranoi kërkesën e SPAK ndërsa dënimi ndaj Ismailajt u dha me kusht, 6 muaj burg konvertuar në 40 orë punë në shërbim të komunitetit. Ismailaj është kryebashkiaku i 4 që përballet me këtë ligj dhe i pari që hetohet, gjykohet, dënohet dhe është ende në detyrë./Zëri.ai
