BRITANI- Grupet shqiptare të trafikut të drogës në Britaninë e Madhe kanë specializuar mënyrën e veprimit të tyre, tashmë duke përdorur dhe metodat e policisë. Kështu raportohet se në momentin që grupet hasën me vjedhje të “produktit” të tyre në shtëpitë e barit, ata vendosin një shpërblim për “kokën” e përgjegjësit. Më i fundit rast i publikuar në TikTok i zbuluar nga Top Channel bën fjalë për një shpërblim prej 30.000 stërlina kush jep informacion për grabitjen e një shtëpie bari në Golders Green në veri të Londrës.
Grupi ka shpërndarë dhe një video, që sipas tyre tregon mjetin e përdorur nga personat që janë futur në banesë dhe kanë vjedhur kanabisin, brenda shtëpisë, së përshtatur për rritjen e tij. Ata të cilët paguajnë 30.000 stërlina për informacion se kush janë grabitësit thonë më postim se grabitja ka ndodhur me 1 Maj 2024. Sipas tyre shpërblimi mund të merret edhe nga personat që shikohen në video duke futur në furgon sasinë e kanabisit të grabitur./ZËRI
