TIRANË- Herën e fundit që Orgel Fusha kishte kontakte me familjen e tij ishte para më shumë se një jave. 37-vjeçari prej 6 muajsh kishte shkuar në Spanjë, derisa një ditë shkëputi kontaktin me familjen. Por para se të mos u përgjigjej më, iu dërgoi një mesazh familjarëve të tij, duke u lënë "amanet" që të kujdeseshin për fëmijët e tij.
“Hallall ma bëj gjirin, fëmijët babain shikoji. Bëhu e fortë,”- ishte mesazhi i fundit që ai i dërgoi të ëmës, një mesazh që ka ngritur dyshime të forta mbi fatin e 37-vjeçarit.
E motra e tij, Marsela Fusha ka folur për mediat duke sqaruar më shumë rreth dinamikës së kësaj ngjarje. Në një prononcim për "Shqipëria live", Marsela tregoi edhe bisedën e fundit që ka pasur më të vëllain, i cili i ka thënë se është në rrezik. Por nuk i ka dhënë më shumë detaje. Po sipas saj, në momentin që i ka treguar fotot e fëmijëve, ishte prekur dhe kishte qarë.
“I është dërguar mamit tim në datën 20 në darkë, rreth orën 20:00. Në atë orë, kam folur edhe unë me të dhe më ka thënë ‘jam në rrezik’. I thashë ik nga ai vend, e pyeta ku ndodhesh. Nuk më ka kthyer asnjë përgjigje. I kam treguar fotot e fëmijëve, ai qau dhe më mbylli telefonin. Kjo ka qenë biseda e fundit,”- ka treguar e motra.
PJESË NGA INTERVISTA:
Pyetje: E vure re të ishte i shqetësuar? Pse nisi të qante? Pse tha jam në rrezik?
Motra e Orgelit: Nuk e di as vetë, ai nuk tregonte. Ishte shumë i mbyllur
Pyetje: Në çfarë vendi të Spanjës qëndronte vëllai dhe me kë qëndronte
Motra e Orgelit: Me shokët iku, unë as nuk i njoh. Vetëm na thoshte që jam në Spanjë. Edhe kur i thashë ik nga ai vend ku je se je në rrezik, më ka thënë ‘nuk kam lekë, nuk di rrugë ku të shkoj’.
Pyetje: Sa fëmijë ka vëllai juaj?
Motra e Orgelit: Dy fëmijë
Pyetje: Nëse mund t’ju pyes, vëllai juaj është ende i martuar?
Motra e Orgelit: Është i ndarë
Pyetje: Ju nuk keni asnjë lloj kontakti të miqve të tij në Spanjë, që mund t’i pyesni?
Motra e Orgelit: Asnjë! Ne një lajm presim, të na thotë që është gjallë, ose çfarë ka ndodhur me të. Vetëm të na kontaktojnë ku është
Pyetje: Çfarë kujtoni nga biseda e fundit me të, çfarë detajesh mbani mend, ku ndodhej?
Motra e Orgelit: Nuk e di, ishte errësirë, ishte shumë i frikësuar./ZËRI
Ku do t'i kaloni pushimet për këtë verë?
-
Në Shqipëri
-
Do udhëtoj jashtë vendit
-
Jam i/e pavendosur
-
Nuk do të bëj fare pushime
