ITALI- Kërkohet tetë vjet burg për Davide Pecorelli. Aktakuza e Prokurorisë së Pukës ndaj sipërmarrësit 49-vjeçar nga Tiferno, tashmë i njohur nga të gjithë si "i humburi i Montecristo-s", është shumë i ashpër. Pavarësisht se ai ka zgjedhur që të gjykohet me procedurë të shkurtuar, e cila garanton zbritjen e 1/3 e kohës së dënimit. Davide Pecorelli, i cili pretendohej se ishte i karbonizuar për vdekje në Shqipëri, filloi të kërkonte një thesar në Detin Tirren, është përgjegjës për krimet e mashtrimit, veprimeve që parandalojnë zbulimin e të vërtetës, shkatërrim të pronës me zjarr dhe kalim të paligjshëm kufiri.
Gjyqtarët shqiptarë i kanë kërkuar Italisë ekstradimin e Pecorellit, për të cilin tashmë është shprehur pozitivisht edhe Prokuroria e Përgjithshme e Perugias. Vendimi i takon Gjykatës së Apelit: seanca do të mbahet më 28 maj. Më parë kishte disa shtyrje pasi avokati shqiptar i Pecorellit kishte komunikuar në Itali mundësinë e një marrëveshjeje për pranimin e fajësisë, e cila mund të kishte shmangur edhe burgun për sipërmarrësin. Ky i fundit siç edhe mund të kuptohet jeton me ankth dhe i shqetësuar për të ardhmen e tij.
Historia e Pecorellit është tragjikomike.
Fillimi është dramatik, gjithçka filloi për shkak të problemeve me paratë.
"Kisha dy kompani, një parukeri dhe një qendër bukurie, punonjësit dhe furnitorët filluan të më ndiqnin sepse nuk mund t'i paguaja më. Marka ime 'Parrucchieri Milano' e cila tregtonte shampo, balsam, xhel dhe llak flokësh falimentoi për shkak të Covid-it."
Kështu ai mendoi të zgjeronte pasurinë e tij në Shqipëri.
"Kisha dëgjuar se mund të fitoja para dhe u hodha në biznesin e heqjes së qimeve me laser, por edhe kjo ishte e ndaluar. Përfundova në depresion, isha i dëshpëruar, kisha shtuar 20 kilogramë. Madje mendova të vras veten derisa takova një prift, i cili sugjeroi një mënyrë për të dalë nga kjo gjendje e mjerimit: të insinuoja vdekjen e time. Mora me qira një Skoda Fabia, më 6 janar 2021 e lava me benzinë dhe i vura flakën. Për ta bërë aksidentin të dukej i vërtetë, hodha orën, celularin dhe disa kocka të sjella nga prifti”.
Kur u kthye në Itali filloi që të gjëmonte për një thesar monedhash.
Gjatë kontrolleve ai u ndalua në bordin e një gomone jo larg ishullit Montecristo: Atë pasdite kisha bërë tashmë 30 milje, kisha me vete një lopatë, çanta dhe kazmë. Isha i lodhur, në fund i thashë të vërtetën dhe u çlirova: Unë jam Davide Pecorelli, nuk kam vdekur siç mendojnë të gjithë'.
Për këto fakte, gjykata e Grosseto e dënoi atë me një vit burg të konvertuar në 12 muaj punë në Kryqin e Bardhë./ZËRI
