-
-
'Black Eagle'/ Dënohen me 9 vite burg dy shqiptarët për trafik kokaine
27 Qershor, 21:25
BELGJKË- Prokuroria belge ka kërkuar 20 vite burg për Alfredo Hamzai dhe Indrit Kulaj, dy shqiptarët që dyshohen se janë drejtues të çështjes “Shqiponja e Zezë”. Ata janë ndaluar gjatë një operacioni në lidhje me trafikun e drogës. Për këtë çështje janë dënuar 34 persona, të cilët dyshohet se i përkasin një organizate kriminale të trafikut të kokainës midis Amerikës Latine dhe Evropës gjatë viteve 2018-2022.
Prokurori vlerësoi se dënimet me 9 vjet burg të dhënë në shkallë të parë më 27 qershor 2024 janë të pamjaftueshme për të ndëshkuar veprat e kryera nga dy të pandehurit kryesorë.
“Kemi të bëjmë me shumë drogë. Si mund të japim një mesazh nëse nuk i ndalojmë tani? Ne kemi nevojë t’iu përgjigjemi fortë dhe ashpër, prandaj duhet të vendosim dënime më të rënda”, tha gjyqtari.
Disa nga shqiptarët e përmendur në këtë proces janë identifikuar më parë nga mediat si Artur S., Indrit Kulaj, Arben I., Alfredo Hamzai, Fjodor B., Aldo T., Llazar S., Marsel A. apo shtetasi nga Kosova Bashkim Osmani, të cilët konsiderohen si disa nga ‘lojtarët’ më të mëdhenj shqiptarë në tregun e kokainës.
Sipas prokurorit, nga hetimet rezulton se Alfredo Hamzai ka qenë në kontakt me grupet mafioze italiane të krijuara në Limburg, por edhe me drejtuesit e një organizate tjetër edhe më të madhe me qendër në Majorka. Ndërsa Indrit Kulaj, u arrestua në janar 2020 në Spanjë me 440 kilogramë kokainë./ZËRI
