TIRANË- Dy gazetarët Artan Hoxha dhe Elton Qyno sapo kanë dalë nga ambientet e SPAK, ku edhe kanë marrë vendimin e Gjykatës së Posaçme kundër Korrupsionit dhe Krimit të Organizuar për caktimin e masës së sigurisë "detyrim paraqitje". Gazetarët Artan Hoxha dhe Elton Qyno qëndruan për rreth 1 orë në ambientet e SPAK dhe dolën me dosje në duar.
"Thjesht morëm provat,"-tha Qyno për kolegët.
Para se të futeshin në SPAK, ata iu pohuan kolegëve se u ishte kryer kontroll në banesa dhe se u ishin sekuestruar telefonat celularë. Ende, SPAK nuk ka dalë me një njoftim zyrtar për operacionin, por jozyrtarisht raportohet se gazetari Artan Hoxha akuzohet për pjesëmarrje në organizatë kriminale, ndërsa gazetari Elton Qyno për korrupsion pasiv në sektorin privat./ZËRI
